ରିପୋର୍ଟ : ପ୍ରଣତି ସାବତ
କାଶୀନଗର, (୨୪/୨) : ଗଜପତି ଜିଲ୍ଲା ରେ ପ୍ରବାହିତ ବଂଶଧରା ନଦୀ ବାଲି ଅଧିକ ଉତ୍କୃଷ୍ଟ ଯୋଗୁଁ ସମସ୍ତ ଙ୍କ ଆଖି ଏହି ବାଲି ଉପରେ ।
ଅନ୍ତଃ ରାଜ୍ୟ ବାଲି ମାଫିଆ ସକ୍ରୀୟ, ବେଧଡକ ବାଲି ପରିବହନ । କାଶୀନଗର ତହସିଲ ର ତିନିଗୋଟି ବାଲି ରେମ୍ପ କୁ ସରକାର ଅନୁମତି ଦେଇଛନ୍ତି । ଏହାକୁ ଢାଲ କରି ବାଲି ମାଫିଆ ସକ୍ରୀୟ ହୋଇ ଉଠିଥିବା କାଶୀନଗର ପୋଲିସ ର ସ୍କେନେର ରେ ଆସିଛି । କାଶୀନଗର ପୋଲିସ ପେଟ୍ରୋଲିଙ୍ଗ କରୁଥିବା ବେଳେ ଦୁଇଟି ବାଲି ବୋଝେଇ ହାଇୱା ଗାଡି କୁ ଅଟକାଇ ତଦନ୍ତ କରିବାରେ ଏହା କଳାହାଣ୍ଡି ଜିଲ୍ଲା ରୁ ବାଲି ବୋଝେଇ ହୋଇଥିବା ସେମାନେ ରସିଦ ଦେଖାଇଥିଲେ । ଯାହାକି ସନ୍ଧେହ କୁ ଦ୍ବିଗୁଣିତ କରିଛି । ଏଣୁ ପୋଲିସ ତନାଘନା କରି ଗଜପତି ଖଣି ଅଧିକାରୀ ଙ୍କୁ ଅବଗତ ପରେ ସେ କଳାହାଣ୍ଡି ଜିଲ୍ଲା ଖଣି ଅଧିକାରୀଙ୍କୁ ଏ ନେଇ ଅବଗତ କରି ଏହାର ସ୍ୱଷ୍ଟତା ନେଇ ତଦନ୍ତ କରୁଛନ୍ତି ।
ଏହି ରସିଦ ଟି ଉଲ୍ଲେଖ କରୁଛି କି ଦୁଇ ଘଣ୍ଟା ତଳେ ବାଲି ଲୋଡିଂ ହୋଇଛି । କଳାହାଣ୍ଡିରୁ କାଶୀନଗର ର ଦୂରତା ପାଖା ପାଖି ୩୦୦ କିମି ହେବ, ଏତେଦୂର ରୁ ଏହି ହାଇୱା ଏଠାକୁ ଦୁଇଘଣ୍ଟା ରେ କେମିତି ଆସିଲା, ସେ ନେଇ ନାନା ପ୍ରଶ୍ନ ସୃଷ୍ଟି ହେଉଛି । ନା କୌଣସି ବାଲି ମାଫିଆ କଳାହାଣ୍ଡି ଜିଲ୍ଲା ରସିଦ କୁ ନିଜେ ବ୍ୟବହାର କରି ବାଲି ମାଫିଆ ରେ ଲିପ୍ତ ଅଛନ୍ତି ସେ ନେଇ ପୋଲିସ ଓ ଖଣି ବିଭାଗ ସଠିକ ମାର୍ଗ ରେ ତଦନ୍ତ କରିବା ଆବଶ୍ୟକ ବୋଲି ବୁଦ୍ଧିଜୀବୀ ମାନେ ମତ ରଖିଛନ୍ତି । ଦୁଇଟି ହାଇୱା ଗାଡି ବର୍ତମାନ ପୋଲିସ ହେପାଜତ ରେ ରହିଛି ।
