ମୁରିବାହାଲ ତା ୩୧/୩-ଆପ୍ର): ମୁରିବାହାଲ ବ୍ଲକ ସିରୋଲ ପଞ୍ଚାୟତ ଅନ୍ତର୍ଗତ ଚି଼ଙ୍ଗେରମୁଣ୍ଡା ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀ ଶିତ ମହାନନ୍ଦ ଅବସର ଗ୍ରହଣ କରିଛନ୍ତି | ଏହି ଅବସରରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା | ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମାର ପଢିଆରି ଯୋଗଦେଇ ଫାଇନାଲ ପେନସନ ଅବସର ଗ୍ରହଣ ଦୀନ ପ୍ରଦାନ କଲେ |
ଅନୁଷ୍ଠିତ କାର୍ଯ୍ୟକ୍ରମରେ ସମ୍ମାନିତ ଅତିଥି ରୂପେ ସିଆରସିସି ସୁଧୀର କୁମାର ନାଗ , ପରିଚାଳନା କମିଟି ସଭାପତି ମହେନ୍ଦ୍ର ବନଛୋର, ତେନ୍ତୁଳୀଖୁଣ୍ଟି ହାଇସ୍କୁଲ ଭାରପ୍ରାପ୍ତ ପ୍ରଧାନ ଶିକ୍ଷକ ସତ୍ୟ କୁମ୍ଭାର,ଅବସର ପ୍ରଧାନ ଶିକ୍ଷକ ଶୀତ ମହାନନ୍ଦ,ଭାରପ୍ରାପ୍ତ ପ୍ରଧାନ ଶିକ୍ଷକ ମୋହନ ଚରଣ ସାହୁ ମଞ୍ଚାସିନ ଥିଲେ | ଶ୍ରୀ ମହାନନ୍ଦ ଶିକ୍ଷାଦାନ ପ୍ରତି ପ୍ରତିବଦ୍ଧତା, ବିଦ୍ୟାଳୟ ପ୍ରତି ସମର୍ପି ମନଭାବ ଥିଲା | ମୁଖ୍ୟ ଅତିଥି ବିଇଓ ଶ୍ରୀ ପଢିଆରୀ,ମାନପତ୍ର ସହ ଉପଢୌକନ ଦେଇ ସମ୍ମାନିତ କରିଥିଲେ | ଶ୍ରୀ ମହାନନ୍ଦ ଶିକ୍ଷକ ସମାଜ ରେ ଏକ ମୂର୍ତ୍ତିମନ୍ତ ଆଲୋକବର୍ତ୍ତିତା ସେ ଜଣେ ମେଳାପୀ ଛାତ୍ର ବତ୍ସଲ , ପରୋପକାରୀ, ଶିକ୍ଷକ ଥିଲେ | ଆଗାମୀ ଜୀବନ ସୁଖମୟ ଓ ସମୃଦ୍ଧିମୟ ହେଉ ବୋଲି କାମନା କରିଥିଲେ | ବିଇଓ ଶ୍ରୀ ପଢିଆରି ଭାରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀ ସାହୁଙ୍କୁ ଦାଇତ୍ୱ ଦେଇଥିଲେ |
ଏହି ଅବସରେ ରାଜ୍ୟ ପୁରସ୍କୃତ ବଂଶୀଵାଦକ ତଥା ପ୍ରଧାନ ଶିକ୍ଷକ ରଞ୍ଜନ କୁମାର ପଟ୍ଟନାୟକ ବଂଶୀ ବାଦନକରି ସମସ୍ତଙ୍କ ମନ ମୋହିଥିଲେ | ପ୍ରଧାନ ଶିକ୍ଷକ ନକୁଳ ଦୀପ ଓ ପ୍ରଧାନ ଶିକ୍ଷକ ରଞ୍ଜନ ସାହୁ କାର୍ଯ୍ୟକ୍ରମ ସମସ୍ତ ବ୍ୟବସ୍ଥା କରିଥିଲେ | ଏହି ଅବସରରେ ୱାର ମେମ୍ବର ନରେନ୍ଦ୍ର ମହାରଣା, ଆଲୁମିନି ସଭାପତି ବିନୋଦ ଦୀପ, ପରିଚାଳନା ମେମ୍ବର ଦେବରାଜ ପାତ୍ର, ସହକାରୀ ଶିକ୍ଷୟିତ୍ରୀ ସ୍ନେହମଞ୍ଜରୀ ପାଢ଼ୀ ସମେତ ୧୫ ଗୋଟି ବିଦ୍ୟାଳୟ ପ୍ରଧାନ ଶିକ୍ଷକ /ଶିକ୍ଷୟିତ୍ରୀ ଯୋଗଦାନ କରିଥିଲେ | ସହକାରୀ ଶିକ୍ଷକ ସଞ୍ଜୟ ନାୟକ ମଞ୍ଚ ପରିଚାଳନା କରିଥିବାବେଳେ ସହକାରୀ ଶିକ୍ଷକ ଲିଲୁ ମୋହନ ପଧାନ ଧନ୍ୟବାଦ ଅର୍ପଣ କରିଥିଲେ |
