ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୧/୦୩): ସୁବର୍ଣ୍ଣପୁର ର ଇଷ୍ଟଦେବୀ ମା ସୁରେଶ୍ଵରୀ ମନ୍ଦିର ପରିସରରେ ଶୋଭା ବର୍ଦ୍ଧନ କରୁଥିବା ବାମ୍ଫି (ପୋଖରୀ) ଅବସ୍ଥା ବର୍ତ୍ତମାନ ଶୋଚନୀୟ ହୋଇପଡ଼ିଛି ।
ଅବହେଳିତ ଅବସ୍ଥାରେ ସୁରେଶ୍ଵରୀ ବାମ୍ଫି । ମନ୍ଦିର ପାଖ ହୁଡାରେଥିବା ଏକ ଗଛ ପବନରେ ମାଡି ବସି ବିରାଟ ବୃକ୍ଷର କାଠ ଗଣ୍ଡି ଟି ଉକ୍ତ ପୋଖରୀରେ ପଡ଼ିରହିଛି। ଆସ୍ତେ ଆସ୍ତେ ଜଳସ୍ତର ଖସି ବର୍ତ୍ତମାନ ମାତ୍ର ୨ରୁ ୩ ଫୁଟ୍ ପାଣି ଅଛି । ସେଠାରେ ମନୋରଞ୍ଜନ ବୃଦ୍ଧି କରୁଥିବା ହଜାର ହଜାର ମାଛ ବଂଶ ବର୍ତ୍ତମାନ ବିପଦପୂର୍ଣ୍ଣ ଅବସ୍ଥାରେ ପଡିଛନ୍ତି । ଏନେଇ ମନ୍ଦିରକୁ ଆସୁଥିବା ଜନସାଧାରଣଙ୍କ ତଥା ଭକ୍ତଙ୍କ ମହଲରେ ବ୍ୟାପକ ଅସନ୍ତୋଷ ବୃଦ୍ଧି ପାଇଛି । ସମସ୍ୟା ର ତୁରନ୍ତ ସମାଧାନ ନ ହେଲେ ଲୋପ ପାଇଯିବେ ମତ୍ସ୍ୟ ବଂଶ। ସେପଟେ ଉନ୍ନତି କରଣ ନାମରେ ବ୍ୟାପକ ଟଙ୍କା ଖର୍ଚ୍ଚ ହେଉଥିବା ବେଳେ ସ୍ଥାୟୀ ପାଣି ସମସ୍ୟା ର ସମାଧାନ ହୋଇପାରୁନାହିଁ ।
ମନ୍ଦିର ମାଳିନୀ ସୋନପୁର ସହରରେ ସେପଟେ ଦେବୋତ୍ତର ବିଭାଗ କୋମା ରେ ଥିବା ବୁଦ୍ଧିଜିବୀ ମହଲରେ ଚର୍ଚ୍ଚା ହେଉଛି। ତୁରନ୍ତ ମନ୍ଦିର ରେ ପାଣି ର ସ୍ଥାୟୀ ସମସ୍ୟା ସହ ପୋଖରୀ ରେ ପାଣି ସମସ୍ୟାର ସମାଧାନ ପ୍ରଶାସନ କରିବାକୁ ଭକ୍ତ ତଥା ବୁଦ୍ଧିଜିବୀ ମହଲରେ ଦାବି କରି ଦେଏଛନ୍ତି।
