ରିପୋର୍ଟ – ବିରଞ୍ଚି ପ୍ରସାଦ ଶତପଥୀ
ପଦ୍ମପୁର : ୧୬/୧୨/୨୪ : ଅଭ୍ୟାସ ଟେକ୍ନୋ ସ୍କୁଲ ,ପଦ୍ମପୁର ଠାରେ ତିନି ଦିନ ଧରି ଚାଲିଥିବା କ୍ରୀଡା ପ୍ରତିଯୋଗିତା ଆଜି ଉଦଯାପିତ ହୋଇଯାଇଛି । ତିନି ଦିନ ଧରି ପିଲାମାନେ ବିଭିନ୍ନ ଖେଳକୁଦ ପ୍ରତିଯୋଗିତାରେ ଭାଗନେଇଥିଲେ । ପିଲାଙ୍କ ସହ ମାଆ ମାନେ ଖେଳ ପ୍ରତିଯୋଗିତାରେ ଭାଗନେବା ଶେଷ ଦିନର ମୂଖ୍ୟ ଆକର୍ଷଣ ଥିଲା ।
ମାଆ ମାନଙ୍କ ମୁହଁର ହସ ଓ ଆନନ୍ଦ ଦେଖି ସମସ୍ତେ ଭାଵ ବିଭୋର ହୋଇପଡ଼ିଥିଲେ । ଅଭ୍ୟାସର ଶିକ୍ଷକ ଶିକ୍ଷୟତ୍ରୀ ମାନେ ମଧ୍ୟ ମାଆ ମାନଙ୍କ ସହ ମିଶି ବେଶ ଆନନ୍ଦ ଉପଭୋଗ କରିଥିଲେ । ଅଭ୍ୟାସର ଇଭେଣ୍ଟ ମ୍ୟାନେଜର ମନ୍ମଥ ଲିମା ସବୁ ଇଭେଣ୍ଟ ଗୁଡିକୁ ସୁଚାରୁରୂପେ ପରିଚାଳନା କରିଥିଲେ । ବିଭିନ୍ନ ପ୍ରକାର ଷ୍ଟଲ ମଧ୍ୟ ପ୍ରଦର୍ଶିତ ହୋଇଥିଲା । ସ୍ପର୍ଦ୍ଧା ର ସମାପ୍ତି ଦିବସରେ ମୁଖ୍ୟ ଅତିଥି ରୂପେ ଗୁଣପୁର ବିଧାୟକ ସତ୍ୟଜିତ ଗମାଙ୍ଗ ଓ ଗୁଣପୁର ପୈାର ଉପାଧ୍ୟକ୍ଷ ଶିବ ପ୍ରସାଦ ଗୈାଡ ମଞ୍ଚାସିନ ହୋଇଥିଲେ । ନାଚଗୀତ ମାଧ୍ୟମରେ ଅତିଥିଙ୍କୁ ସ୍ଵାଗତ କରାଯାଇଥିଲା । ଅତିଥି ମାନେ ଖେଳରେ ବିଜୟୀ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରିବା ସହ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ । ଆଜି ଛୋଟ ଛୁଆଙ୍କ ପିକ୍ନିକ୍ ମଧ୍ୟ ହୋଇଥିଲା ତା’ର ନାମ ALFRESCO ଦିଆଯାଇଥିଲା ।
ବିଭିନ୍ନ ନାଚ ଗୀତ ସହ ଏହି କାର୍ଯ୍ୟକ୍ରମ ରେ ମାଆ ମାନେ ଆନନ୍ଦ ଅନୁଭବ କରିଥିଲେ । ସବୁ କାର୍ଯ୍ୟକ୍ରମକୁ ଅଭ୍ୟାସ ପ୍ରିନ୍ସିପାଲ୍ ଶ୍ରୀ ଦିବ୍ୟ ଦେବାଶିଷ ଦୁବେ ସୂଚାରୁରୂପେ ପରିଚାଳନା କରିଥିଲେ । ସେକ୍ରେଟାରୀ ଲାଡି ତୁକାରାମ୍ ଶେଷରେ ଧନ୍ୟବାଦ୍ ଅର୍ପଣ କରିଥିଲେ । ଏହି ତିନି ଦିନିଆ କାର୍ଯ୍ୟକ୍ରମକୁ ମ୍ୟାନେଜେର ଗାୟତ୍ରୀ ପଣ୍ଡା ସମ୍ପୂର୍ଣ ଦାୟିତ୍ଵ ଗ୍ରହଣ କରି ସୁଚାରୁରୂପେ ପରି ସମାପ୍ତି କରିଥିଲେ ।
