ଗୁଣପୁର : ୫/୪/୨୫ ଆପ୍ର): ରାୟଗଡା ଜିଲ୍ଲା ପଦ୍ମପୁର ବ୍ଲକର ପଦ୍ମପୁର ଠାରେ ଥିବା ଅଭ୍ୟାସ ଟେକ୍ନୋ ବିଦ୍ୟାଳୟରେ ତୃତୀୟ ବାର୍ଷିକ ଉତ୍ସବ ଉଡାନ ୩.୦ ଖୁବ ଧୁମଧାମରେ ପାଳିତ ହୋଇଯାଇଛି । ପ୍ରଥମେ ଭୋର ସକାଳୁ ଗଣଦୌଡର ଆୟୋଜନ କରାଯାଇଥିଲା ।
ମନ୍ଦିର ଠାରୁ ଆଜ୍ଞାମାଳ ଓ ମଶାଲ ଶୋଭାଯାତ୍ରା ବିଦ୍ୟାଳୟ କୁ ଅଣା ଯାଇଥିଲା ଓ ଏକ ସ୍ଵେଚ୍ଛାକୃତ ରକ୍ତଦାନ ଶିବିରର ଆୟୋଜନ କରାଯାଇଥିଲା । ସଂଧ୍ୟା ସମୟରେ ବିଶାଳ ସଭାର ଆୟୋଜନ ହୋଇଥିଲା । ଏହି କାର୍ଯ୍ୟକ୍ରମ ଅବସରରେ ମୁଖ୍ୟ ଅତିଥି ଭାବେ ଶ୍ରୀ ବ୍ରଜ ମୋହନ ନାଏକ (OPS-1) କମାଣ୍ଡାଣ୍ଟ , ସମ୍ମାନୀତ ଅତିଥି ଭାବେ ରାଜ କିଶୋର ପତି ଅବସର ପ୍ରାପ୍ତ ଶାରୀରିକ ଶିକ୍ଷା ଇନ୍ସପେକ୍ଟର, ବିଶିଷ୍ଟ ଅତିଥି ଭାବେ ଶ୍ରୀ ଶଙ୍କର ବାଗ ତହସିଲଦାର ପଦ୍ମପୁର ଓ ମୁଖ୍ୟ ବକ୍ତା ରୁପେ ପଦ୍ମପୁର ବ୍ଲକ ଅତିରିକ୍ତ ଶିକ୍ଷା ଅଧିକାରୀ ସୁଶାନ୍ତ ଲିମା ଉପସ୍ଥିତ ରହି ଜଗତର ନାଥ ଜଗନ୍ନାଥଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହ ପ୍ରଦୀପ ପ୍ରଜ୍ବଳନ ଓ ପୂଜା ପାଠ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ସଭାରେ ଉପସ୍ଥିତ ସମ୍ମାନୀତ ଅତିଥୀ ମାନେ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ ।
ଏହି ଅବସରରେ ଛାତ୍ର ଛାତ୍ରୀ ଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ! ବାର୍ଷିକ କ୍ରୀଡ଼ା ନିମନ୍ତେ କରାଯାଇଥିବା ପ୍ରତିଯୋଗିତାରେ କୃତି ଛାତ୍ର ଛାତ୍ରୀ କୁ ଅତିଥୀଙ୍କ ଦ୍ୱାରା ପୁରସ୍କୃତ କରାଯାଇଥିଲା ! ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ , ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ମାନେ ଉପସ୍ଥିତ ରହି ସହଯୋଗ କରୁଥିବା ଦେଖିବାକୁ ମିଳିଛି । ଏହି କାର୍ଯ୍ୟକ୍ରମ ଅବସରରେ ଛାତ୍ର ଛାତ୍ରୀ ମାନଙ୍କ ଅଭିଭାବକ ଓ ବହୁ ସଂଖ୍ୟା ରେ ବୁଦ୍ଧିଜୀବି ମାନେ ଉପସ୍ଥିତ ରହିଥିବା ଦେଖିବାକୁ ମିଳିଛି ।
