ରିପୋର୍ଟ: କ୍ଷମସାଗର ଦାସ //
ମୁନିଗୁଡ଼ା:ତା୮-୧୨): ରାୟଗଡ଼ା ଜିଲ୍ଲା ମିଶନ ଶକ୍ତି ବିଭାଗ ପରିଚାଳିତ ବିପିଏଲଏଫ୍ କର୍ମୀ ସଂଘ ତରଫରୁ ଆଜି ଶତାଧିକ ମହିଳା ଓ ପୁରୁଷ କର୍ମୀ ମୁନିଗୁଡ଼ା ରେଲୱେ ଷ୍ଟେସନରେ ଏକତ୍ରିତ ହୋଇ ସେମାନଙ୍କ ଦାବି ହାସଲ ପାଇଁ ଆଜି ଏମବିକେ ସଭାପତି ରୁପାବତି ନାଲା,ସିଆରପି ଅମ୍ବିକା ନାୟକ,କୃଷି ମିତ୍ର ବିଶ୍ୱଜିତ୍ ସାହୁକାରଙ୍କ ନେତୃତ୍ବରେ ରେଳ ଯୋଗେ ଭୁବନେଶ୍ବର ଯାତ୍ରା କରିଛନ୍ତି ।
ସେମାନଙ୍କ କହିବା କଥା ସେମାନେ ଏବେକୁ ୮ମାସ ହେବ ସେମାନଙ୍କ ପାରିଶ୍ରମିକ ପାଇନାହାନ୍ତି।ଏ ବିଶୟକୁ ନେଇ ସେମାନେ ବାରମ୍ବାର ବିଭାଗୀୟ ଅଧିକାରୀ ମାନଙ୍କୁ ଅବଗତ କରାଇଥିଲେ ମଧ୍ୟ କୌଣସି ସୁଫଳ ମିଳିଲା ନାହିଁ।ଶେଷରେ ରାଜ୍ୟ ସଂଘର ଆହ୍ଵାନ କ୍ରମେ ସେମାନେ ବାଧ୍ୟହୋଇ ରାଜ୍ୟର ୩୦ଟି ଜିଲ୍ଲାର ୬ ଗୋଟି କମ୍ୟୁନିଟି ସାପୋର୍ଟିଂ ଷ୍ଟାଫ୍ ମାନଙ୍କ ସହ ଆନ୍ଦୋଳନ କରିବା ପାଇଁ ଭୁବନେଶ୍ବର ଅଭିମୁଖେ ଯାଉଥିବା କହିଥିଲେ।ଆସନ୍ତା କାଲି ତା ୯-୧୨-୨୦୨୪ ରିଖ ଷୋମବାର ଠାରୁ ସେମାନେ ପି ଏମ ଜି ଛକ ଠାରେ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଧର୍ମଘଟରେ ବସିବେ।ଏହି ସମୟ ମଧ୍ୟରେ ସେମାନେ ନିଜ ନିଜ ଅଞ୍ଚଳରେ ସେମାନଙ୍କ କାର୍ଯ୍ୟ ବନ୍ଦ ରଖିବାକୁ ବାଧ୍ୟ ହେବେ ବୋଲି ସୂଚନା ଦେଇଥିଲେ।
କିଛି କିଛି ମହିଳାଙ୍କ କହିବା କଥା ପୂର୍ବ ସରକାର ଆମ ଦରମା ବଢ଼ାଇବା ସହିତ ଆମକୁ ସରକାରୀ ମାନ୍ୟତା ଦେବାକୁ ପ୍ରତିଶ୍ରୁତି ଦେଇଥିବା ବେଳେ ଏବେର ନୂଆ ସରକାର ଆମ ପାରିଶ୍ରମିକ ୮ମାସ ହେବ ବନ୍ଦ ରଖିବା ଆମ ଘର ସଂସାର ଉପରେ ପ୍ରଭାବ ପକାଇଛି।ଏଣୁ ସରକାର ଆମ ଦରମା ଦେବା ସହିତ ପୂର୍ବ ଦାବି ଗୁଡ଼ିକୁ ଗ୍ରହଣ ନକଲା ପର୍ଯ୍ୟନ୍ତ ଏ ଆନ୍ଦୋଳନ ଜାରି ରହିବ ବୋଲି ରାଜ୍ୟ ସଂଘର ନିଷ୍ପତି କଥା କହିଥିଲେ।
