ରିପୋର୍ଟ : ଅକ୍ଷୟ କୁମାର ପିଡ଼ିସିକା //
କଲ୍ୟାଣସିଂହପୁର,(୫/୧୧) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସିଙ୍ଗାରି ପଞ୍ଚାୟତର ଛତାପଦର ନିକଟ କଲ୍ୟାଣୀ ନଦୀରେ ପଡିଥିବା ଆଇରନ ପୋଲର ଲୁହା ଛଡ଼ ଚୋରା ଚାଲାଣ କରୁଥିବା ବେଳେ ସ୍ଥାନୀୟ ପୁଲିସ ପିକପ ଗାଡି ଓ ବାଇକ ଜବତ କରିଛି |
ପୋଲିସ ୫ ଜଣଙ୍କୁ ଗିରଫ କରି କେସ ନମ୍ବର ୯୯/୨୦୨୧ ଦଫା ୩୭୯/୩୫୩/୩୪ ଆଇପିସିରେ ମାମାଲ ରୁଜୁ କରି କୋର୍ଟ ଚାଲାଣ କରିଛନ୍ତି । ପୁଲିସ କହିବା ଅନୁଯାୟୀ ବୁଧବାର ସନ୍ଧ୍ୟା ସମୟରେ କିଛି ଦୁର୍ବୁତ୍ତ ଛତାପଦର ନିକଟ କଲ୍ୟାଣୀ ନଦୀରେ ପଡିରହିଥିବା ଆଇରନ ପୋଲର ଲୁହା ଛଡ ଚୋରାଇ ନେଉଥିବା ସୂଚନା ପାଇ ସ୍ଥାନୀୟ ପୁଲିସ ଘଟଣା ସ୍ଥଳରେ ପହଞ୍ଚିବା ବେଳେ ଗାଡି ଟି ଚାଲି ଯାଉଥିବା ଦେଖି ତାକୁ ଘଉଡ଼ାଇ ଥିଲେ । ବିଜେପୁର ନିକଟରେ ଉକ୍ତ ପିକୋଫ ଗାଡି ନମ୍ବର ଓଡ଼ି୦୮ଏଚ ୨୧୩୬ ଓ ବାଇକ ଓଡ଼ି ୦୮ ପି ୫୩୫୫ କୁ କାବୁ କରି ସ୍ଥାନୀୟ ଥାନାକୁ ଆଣିଥିଲେ ।
ଏଠାରେ ସିଙ୍ଗାରି ଗ୍ରାମର ଗାଡି ମାଲିକ ଚନ୍ଦନ ଗୌଡବିସି (୪୮), ତ୍ରିନାଥ ଗୌଡ଼ବିସି (୨୦),କର୍ଷିକା ଲାଇମାଝୀ (୨୧), ଛତାପଦର ଗ୍ରାମ ର ସୁକୃ ମାଝୀ (୨୫) ଓ ହୁଈକା ରାମଦାସ (୧୯) ଙ୍କୁ ପଚାର ଉଚର କରିଥିଲେ । ଆଜି ସେମାନଙ୍କର ଡ଼ାକ୍ତରି ପରୀକ୍ଷା କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ସୁକୁମା ହଂସୁଦା କହିଛନ୍ତି ।
