ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୮/୨) : ଆକ୍ସନ ମୁଡ଼ରେ ପଦ୍ମପୁର ପୋଲିସ । ଦିନକୁଦିନ ସବୁଜ ଜହର, ଗଞ୍ଜେଇ ଚୋରା ଚାଲାଣ ବୃଦ୍ଧି ପାଇବାରେ ଲାଗିଛି ।
ରାୟଗଡ଼ା ଏସ ପି ଙ୍କ ସୂଚନା କ୍ରମେ ଆକ୍ସନ ମୁଡ଼ରେ ପଦ୍ମପୁର ପୋଲିସ । ଆଜି ପଦ୍ମପୁର ପୋଲିସର ଏକ ଟିମ୍ ଗଠନ କରି ଗଜପତି ଜିଲ୍ଲାର ମୋହନା ରୁ ପଦ୍ମପୁର ଅଭିମୁଖେ ଆସୁଥିବା ଚୋରା ଗଞ୍ଜେଇ, ଜବତ କରିବାରେ ସକ୍ଷମ ହୋଇଛି । ରାୟଗଡ଼ା ଏସ ପି, ଗୁଣପୁର ଏସ ଡି ପି ଓ ଙ୍କ ତତ୍ତ୍ଵାବଧାନରେ ଏସ୍ ଆଇ ଛଵିନ୍ଦ୍ର ସେଠି ଓ ତାଙ୍କ ଟିମ୍ ସଫଳତାର ସହ ଚଢ଼ାଉ କରି ୫୦୦ କେଜି ଗଞ୍ଜେଇ ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ରାଜି କୁମାର ଓ ଗୋପିନାଥ ଦୁଇଜଣ କେରଳ ରାଜ୍ୟର ବୋଲି ଜଣାପଡିଛି । ସେମାନଙ୍କ ଠାରୁ ୫୦୦ କେଜି ଗଞ୍ଜେଇ ,ଏକ ଟ୍ରକ ନମ୍ବର ( KA51 – C 1683 ), ୧୮୨୦ ଟଙ୍କା , ଏକ ମୋବାଇଲ ଫୋନ ଜବତ ହୋଇଛି । ଏସଂକ୍ରାନ୍ତରେ ପଦ୍ମପୁର ଥାନାରେ କେସ ନମ୍ବର ୨୯, ଅଣ୍ଡର ସେକ୍ସନ 20(b)(ii)(C)/29 ଏନ ଡି ପି ଏସ୍ ଆକ୍ଟ ୧୯୮୫ ରେ ମାମଲା ଦାୟର ହୋଇ ତଦନ୍ତ ଚାଲିଛି ।
