ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର , (୦୫/୧୨) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ଅନ୍ତର୍ଗତ କମିରା ଗାଁ ରେ ଆସନ୍ତା ୨୦ ତାରିଖରୁ ୨୬ ତାରିଖ ପର୍ଯ୍ୟନ୍ତ ହେବାକୁ ଥିବା ଦ୍ଵୀତୀୟ ବର୍ଷ ଆଞ୍ଚଳିକ ଧନୁଯାତ୍ରା ପାଇଁ ଶୁଭ ସ୍ତମ୍ଭ ସ୍ଥାପନ ଓ କୃଷ୍ଣ ବଳରାମ ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଗାଁ ରେ ରାଧାକୃଷ୍ଣ ମନ୍ଦିରରେ ପୂଜାର୍ଚ୍ଚନା ପରେ ଧନୁଯାତ୍ରା ପଡ଼ିଆ କୁ ଯାଇ ଶୁଭସ୍ତମ୍ଭ ସ୍ଥାପନ କରାଯାଇଥିଲା।ପରେ କୃଷ୍ଣ ଭୂମିକାରେ ଅଭିନୟ ପାଇଁ ସାଇ ସାସ୍ବତ ମିଶ୍ର ଓ ବଳରାମ ଭୂମିକା ପାଇଁ ବିମଳ ବାବୁଙ୍କୁ ବରଣ କରାଯାଇଥିଲା। ଧନୁଯାତ୍ରା କମିଟି ସଭାପତି ଅଶୋକ ନନ୍ଦ ଙ୍କ ଅଧ୍ୟକ୍ଷତାରେ କାର୍ଯ୍ୟକାରୀ ସଭାପତି ସଂଜୀବ ତ୍ରିପାଠୀ, ସମ୍ପାଦକ ପଞ୍ଚାନନ ଦଣ୍ଡସେନା, କୋଷାଧ୍ୟକ୍ଷ ଦୀପ୍ତି ରଞ୍ଜନ ମିଶ୍ର, ଦୟାନିଧି ପାତ୍ର, ଉମେଶ ମାହାକୁର,ହାରାଧନ ମାହାର,ଗୋଲକ ସାହୁ, ଗୋପବନ୍ଧୁ ମିଶ୍ର, ସନ୍ତୋଷ ସାହୁ, ହରିଶ୍ଚନ୍ଦ୍ର ମିଶ୍ର ଓ ବିନୋଦ ଭୋଇ ଙ୍କ ସହ ଗ୍ରାମବାସୀ ଉପସ୍ଥିତ ଥିଲେ। ଏଥିରେ ବାସୁଦେବ ହୋତା ପୂଜକ ଦାୟିତ୍ଵ ତୁଲାଇଥିଲେ।
