ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୯/୮) : ଆଜି ରାୟଗଡ଼ା ଜିଲ୍ଲା ଗୁଣପୁର ବ୍ଲକ ଅନ୍ତର୍ଗତ ଲୁଙ୍ଗୁରୁତାଲ୍ ଗ୍ରାମରେ ଆଦିବାସୀ ସଂଘର୍ଷ ମୋର୍ଚ୍ଚା ତରଫରୁ ବିଶ୍ୱ ଆଦିବାସୀ ଦିବସ ମହାସମାରୋହରେ ପାଳନ କରାଯାଇଛି ।
ଏହି ଅବସରରେ CPI (ML) LIBERATION ର ରାଜ୍ୟ କମିଟି ସଭ୍ୟ ଅନାସିମ ଶବର, ବୃନ୍ଦାବନ ବିଡ଼ିକା ଓ ଜିଲ୍ଲା କମିଟି ସଭ୍ୟ ସଞ୍ଜୟ ଶବର, କରୁଣାକର ଲିମା, ସଂଜୀବ ଶବର, ମଜେଶ ଶବର ଉପସ୍ଥିତ ରହି କେନ୍ଦ୍ର ଓ ରାଜ୍ୟ ସରକାରଙ୍କ ଆଦିବାସୀ ମାରଣା ନୀତି ବିରୁଦ୍ଧରେ ଚର୍ଚ୍ଚା କରିବା ସହିତ ଆଦିବାସୀ ମାନଙ୍କ ଅଧିକାର ସମ୍ପର୍କରେ ଆଲୋଚନା କରିଥିଲେ । ଆଦିବାସୀ ମାନଙ୍କ ଜୀବନ ଜୀବିକା ହେଉଛି ଏଇ ବଣ ପାହାଡ । ଜନ୍ମରୁ ମୃତ୍ୟୁ ପର୍ଯ୍ୟନ୍ତ ଏଇ ଆଦିମ ଅଧିବାସୀ ମାନେ ବଣ ଜଙ୍ଗଲରେ ରହି, ଜଙ୍ଗଲ ଜାତ ଦ୍ରବ୍ଯ ଗୁଡିକୁ ବ୍ୟବହାର କରି ଜୀବନ ଵିତାଇଥାନ୍ତି ।
ତେଣୁ ଏହି ବଣ ଜଙ୍ଗଲରୁ ସେମାନଙ୍କୁ ତଡ଼ିବାକୁ ସରକାର ଯେଉଁ ପ୍ରୟାସ କରୁଛନ୍ତି ତୁରନ୍ତ ତାକୁ ବାତିଲ କରି , ଆଦିବାସୀ ମାନଙ୍କୁ ଜଙ୍ଗଲ ଜମିପଟ୍ଟା, ବଞ୍ଜର ପଟ୍ଟା, ଘର ଡିହ ପଟ୍ଟା ଯୋଗାଇ ଦେବାକୁ ଅନାସିମ ଶବର ସରକାରଙ୍କୁ ଅନୁରୋଧ କରିଥିଲେ । ନଚେତ୍ ଆଗାମୀ ଦିନରେ ଆନ୍ଦୋଳନ ଜୋରଦାର କରିବା ପାଇଁ ଚେତାବନୀ ଦେଇଥିଲେ । ରାଜ୍ୟ କମିଟି ସଭ୍ୟ ଅନାସିମ ଶବରଙ୍କ ନେତୃତ୍ୱରେ ଶହଶହ ଆଦିବାସୀ ମେଳି ହୋଇ ଏହି ବିଶ୍ୱ ଆଦିବାସୀ ଦିବସ ପାଳନ କରିଥିଲେ ।
