ଗୁଣପୁର, (୧/୫) : ଆପ୍ର. : ଆଜି ଗୁଣପୁର ବାଳିକା ବିଦ୍ୟାଳୟ ଠାରୁ ଏକ ବିଶାଳ ଶୋଭାଯାତ୍ରା ବାହାରି ଗୁଣପୁର ପୁରୁଣା ବସଷ୍ଟାଣ୍ଡ ଦେଇ ବାଇପାସ୍ ଛକରେ ସ୍ଥାପିତ ସ୍ବର୍ଗତ ନାଗଭୂଷଣ ପଟ୍ଟନାୟକଙ୍କ ପ୍ରତିମୂର୍ତ୍ତୀ ନିକଟରେ ପହଞ୍ଚିଥିଲା ।
ଆନ୍ତର୍ଜାତୀୟ ଶ୍ରମିକ ଦିବସ ପାଳିତ । ସେଠାରେ ମୋଟର କର୍ମଚାରୀ ସଂଘର ସଭାପତି ଆଇନଜୀବି ଫଣୀଭୁଷଣ ପଟ୍ଟନାୟକ ଓ ସିପିଆଇ ( ଏମ୍ ଏଲ୍ ) ଲିବରେସନର ରାଜ୍ୟ ସମ୍ପାଦକ ତ୍ରିପତି ଗମାଙ୍ଗ ପୁଷ୍ପମାଲ୍ୟା ଅର୍ପଣ କରିବା ପରେ ଗୁଣପୁର ନୁଆଁ ବସଷ୍ଟାଣ୍ଡ ଠାରେ ପତାକା ଉତ୍ତୋଲନ କରିଥିଲେ । ମେ ୧ ତାରିଖ ଦିନ ଆମେରିକାର ଚିକାଗୋ ସହରରେ ୧୮୮୬ ମସିହାରେ ୮ ଘଣ୍ଟା ଶ୍ରମ ଆଇନ ନେଇ ଲଢେଇରେ ଶ୍ରମିକ ମାନଙ୍କ ପାଇଁ ୮ ଘଣ୍ଟା ଶ୍ରମ ଆଇନ ସ୍ଥିର କରାଯାଇଛି । କିନ୍ତୁ ସରକାର ୧୨ ଘଣ୍ଟା କାର୍ଯ୍ୟ କରିବାକୁ ବାଧ୍ୟ କରିଛନ୍ତି ତେଣୁ ଏହି ୪ ଟି ଶ୍ରମ ଆଇନ ବାତିଲ କରିବା, ଘରୋଇ କରଣ ବନ୍ଦ କରିବା, କୃଷକ ବିରୋଧି କୃଷି ଆଇନ୍ ବାତିଲ କରିବା, ଓପିଏସ୍ କୁ ଲାଗୁକରିବା ଓ ଏନପିଏସ ଓ ୟୁପିଏସ କୁ ବାତିଲ କରିବା, ତିନୋଟି ଅପରାଧୀକ କଳା ଆଇନ ବାତିଲ କରିବା, କର୍ପୋରେଟ ଲୁଟ ବନ୍ଦ କରିବା, ଶ୍ରମିକ ମାନଙ୍କୁ ମାସିକ ୨୬ ହଜାର ଟଙ୍କା ପ୍ରଦାନ କରିବା ଓ ପେନସନ ୧୫ ହଜାର ଟଙ୍କା ପ୍ରଦାନ କରିବା ନେଇ ଫଂଣିଭୁଷଣ ପଟ୍ଟନାୟକ ଦାବି କରିଥିଲେ ।
ଶେଷରେ କାର୍ଯ୍ୟକ୍ରମରେ ଉପସ୍ଥିତ ଶହଶହ ପୁରୁଷ ଓ ମହିଳା ମାନଙ୍କ ପାଇଁ ମୋଟର ସଂଘ ତରଫରୁ ଏକ ନୈଷ ଭୋଜି ର ଆୟୋଜନ କରାଯାଇଥିଲା । ଆଜିର ଏହି କାର୍ଯ୍ୟକ୍ରମକୁ ତ୍ରିପତି ଗମାଙ୍ଗ ପରିଚାଳନା କରିଥିବା ବେଳେ ,ଫଣୀଭୁଷଣ ପଟ୍ଟନାୟକ (ସଭାପତି) , କିଶୋର ମହାନ୍ତି (କୋଷାଧ୍ୟକ୍ଷ), ପି ଭେକଂଟ ରାଓ, ଦିଲ୍ଲୀପ କୁମାର ପଟ୍ଟନାୟକ, ମୁନି ଶବର (ପାଚିକା ଓ ସହାୟିକା ସଂଘ ସଭାପତି) ଅନାସିମ ଶବର, ବୃନ୍ଦାବନ ବିଡିକା, କୈଳାସ ଶବର, ଦାସୁରୁ ବିଡିକା, ନିରଞ୍ଜନ ନିମାଲା, ସଂଜୀବ ଶବର, ମୋଜେସ ଶବର ପ୍ରମୁଖ ସହଯୋଗ କରିଥିଲେ ।
