ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୬/୩) : ମୁରିବାହାଲ ବ୍ଲକ ତେନ୍ତୁଳୀଖୁଣ୍ଟି ପଞ୍ଚାୟତ ଅନ୍ତର୍ଗତ ଗୁଞ୍ଚିତରା ଉଚ୍ଚ ପ୍ରାଥମିକ ବିଦ୍ୟାଳୟରେ ଆମ ସଂସ୍କୃତି ଆମ ଖେଳନା କର୍ମଶାଳା ଗୁରୁବାର ଅନୁଷ୍ଠିତ ହୋଇଯାଇଛି ।
ପ୍ରଧାନ ଶିକ୍ଷୟିତ୍ରୀ ଶ୍ରଦ୍ଧାଞ୍ଜଳି ମହାନ୍ତି ଙ୍କ ଅଧ୍ୟକ୍ଷୟରେ ମୁଖ୍ୟଅତିଥି ରୂପେ ପୂର୍ବତନ ସରପଞ୍ଚ କାମଦେବ ବେହେରା ମୁଖ୍ୟବକ୍ତା ସିଆରସିସି ସୁଧୀର ନାଗ,ସମ୍ମାନିତ ଅତିଥି ୱାର୍ଡ ମେମ୍ବର ପରମାନନ୍ଦ ଧଙ୍ଗଡ଼ା ମାଝୀ, ସହକାରୀ ଶିକ୍ଷୟିତ୍ରୀ ସଫଳା ମିଶ୍ର ମଞ୍ଚାସିନ ଥିଲେ । ଏହି ଅବସରରେ ଅତିଥି ବୃନ୍ଦ ଆମ ସଂସ୍କୃତି ଆମ ଖେଳନା କାର୍ଯ୍ୟକ୍ରମ ଦ୍ୱାରା ଛାତ୍ରଛାତ୍ରୀ ମାନଙ୍କ ସହ ଶୈକ୍ଷିକ ଗୁଣର ବିକାଶ, ପ୍ରାଚୀନ ସଂସ୍କୃତି ବିଷୟ ରେ ଧାରଣା ହେବା ସହ ଛାତ୍ରଛାତ୍ରୀଙ୍କ ଲୁକାୟିତା ପ୍ରତିଭା ବିକଶିତ ହୋଇପାରିବ ବୋଲି କହିଥଲେ । ଅନୁଷ୍ଠିତ କାର୍ଯ୍ୟକ୍ରମରେ ଶିକ୍ଷକ/ଶିକ୍ଷୟତ୍ରୀ ସରୋଜିନୀ ମିଶ୍ର, ଜୟମାଳିନୀ ପଟ୍ଟନାୟକ, ନୀଳମଣି ଦୀପ ପ୍ରମୁଖ ସହଯୋଗ କରିଥିଲେ । ଅଭିଭାବକ/ଅଭିଭାବିକା ଛାତ୍ରଛାତ୍ରୀ ପ୍ରମୁଖ ଉପସ୍ଥିତ ଥିଲେ । ଶିକ୍ଷକ ଗୌରଚନ୍ଦ୍ର ଭୋଇ ମଞ୍ଚ ପରିଚାଳନା କରିଥିବାବେଳେ ଶିକ୍ଷୟିତ୍ରୀ ପ୍ରିୟଦର୍ଶିନୀ ସ୍ୱାଇଁ, ଧନ୍ୟବାଦ ଅର୍ପଣ କରିଥିଲେ ।
