ରିପୋର୍ଟ : ରବିଶଙ୍କର ମହାପାତ୍ର
ବୋରିଗୁମ୍ମା, (୨୮/୧୨) : ନିଜ ଆୟର ୨୭୩ ପ୍ରତିଶତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଦ୍ଵାରା ଗିରଫ ହୋଇ କୋର୍ଟ ଚାଲାଣ ହେଲେ ଏ.ଆର୍. ଆଇ. ସୁରେନ୍ଦ୍ର କୁମାର ତନ୍ତୀ ।
୨୬ ତାରିଖ ସୁରେନ୍ଦ୍ରଙ୍କ କାର୍ଯ୍ୟରତ ବୋରିଗୁମ୍ମା ତହସିଲ ଅନ୍ତର୍ଗତ କୁମୁଲି ଆର୍.ଆଇ. କାର୍ଯ୍ୟାଳୟ ସମେତ ୮ଟି ସ୍ଥାନରେ ଏକ କାଳୀନ ଭିଜିଲାନ୍ସ୍ ଚଢ଼ାଉ ଜାରି ରହିଥିଲା । ଚଢ଼ାଉ ସମୟରେ ୩ଟି ବହୁତଳ ପ୍ରାସାଦ, ୮୪ ଲକ୍ଷ ଟଙ୍କା ବ୍ୟାଙ୍କ ଜମା ଓ ବୀମା । ଜୟପୁର ବନ୍ଦୋବସ୍ତ କାର୍ଯ୍ୟାଳୟ ଠାରେ ଚୁକ୍ତି ଭିତ୍ତିକ ପିଅନ୍ ଭାବରେ ୫୪୫ ଟଙ୍କା ଦରମାରେ ଚାକିରୀ କରିଥିଲେ ସୁରେନ୍ଦ୍ର କୁମାର । ୨୦୦୯ ମସିହାରେ ଚାକିରୀ ନିୟମିତ ହୋଇଥିଲା । ୨୦୧୪ ମସିହା ପର୍ଯ୍ୟନ୍ତ ଦଶମନ୍ତପୁର ତହସିଲ ପିଅନ୍ ଭାବରେ କାମ କରୁଥିଲେ । ୨୦୧୫ ମସିହାରେ ଏ.ଆର୍.ଆଇ ଭାବରେ ପଦୋୟତି ପାଇଥିଲେ ।
ଏହି ୯ ବର୍ଷ ମଧ୍ୟରେ ୩ଟି ବହୁତଳ ପ୍ରାସାଦ,୧୭ଟି ପ୍ଲଟ୍, ୮୪ ଲକ୍ଷ ଟଙ୍କା ଜମା ଓ ବୀମା , ୧୫୨ ଗ୍ରାମ୍ ସୁନା ଅଳଙ୍କାର, ୩ ଟି ଦାମି ଚାରି ଚକିଆ ଗାଡ଼ି, ନଗଦ ୧ ଲକ୍ଷ ୫୫ ହଜାର ଟଙ୍କା ଠୁଳ କରି ପାରିଥିଲେ ଗିରଫ ଏ.ଆର୍.ଆଇ ସୁରେନ୍ଦ୍ର କୁମାର ତନ୍ତୀ । ପଚରା ଉଚୁରା ସମୟରେ କୌଣସି ସନ୍ତୋଷ ଜନକ ଉତ୍ତର ଦେଇ ପାରି ନ ଥିବାରୁ ୨୭ ତାରିଖ କୋରାପୁଟ ଭିଜିଲାନ୍ସ୍ ପିଏସ କେସ୍ ନଂ.୧୩(୨) rw୧୩(୧)b ୧୨ pc(amendment)act,୨୦୧୮ ଅନୁସାରେ a.r.i & his spouse ନାମରେ ମାମଲା ରୁଜ୍ଜୁ କରାଯାଇ ଏ.ଆର୍.ଆଇ. ସୁରେନ୍ଦ୍ର କୁମାର ତନ୍ତୀଙ୍କୁ ଦୁର୍ନୀତି ନିବାରଣ ବିଭାଗ ମାନ୍ୟବର ସ୍ଵତନ୍ତ୍ର ବିଚାରପତିଙ୍କ ଅଦାଲତକୁ ଫରୱାର୍ଡ କରାଯାଇଛି । ବର୍ତ୍ତମାନ କ’ଣ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି, ଦେଖିବାକୁ ବାକି ରହିଲା ।
