ଭୁୁବନେଶ୍ୱର, (୦୮/୦୪) : ଆପ୍ର. : ଆୟୁଷ୍ମାନ ଭାରତ ଏବଂ ଗୋପବନ୍ଧୁ ଜନ ଆରୋଗ୍ୟ ଯୋଜନା ଓଡିଶାରେ ଶୀଘ୍ର ଆରମ୍ଭ ହେବାକୁ ଯାଉଛି । ଏପ୍ରିଲ ୧୧ ତାରିଖରେ ଉଭୟ କାର୍ଡ ଏକକାଳୀନ ଭାବେ ବଣ୍ଟା ଯିବ ।
ଏ ନେଇ ସୋମବାର ସରାକରୀ ସୂତ୍ରରୁ ପ୍ରକାଶ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡା ରାଜ୍ୟସ୍ତରୀୟ ଶୁଭାରମ୍ଭ ଉତ୍ସବରେ ଏହି ସ୍ୱାସ୍ଥ୍ୟ ଯୋଜନାଗୁଡ଼ିକର ଆନୁଷ୍ଠାନିକ ଆରମ୍ଭ ତଦାରଖ କରିବେ ବୋଲି ଆଶା କରାଯାଉଛି। ରାଜ୍ୟର ସମସ୍ତ ୧,୪୦୫ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର (ପିଏଚସି) ରେ ଏହି କାର୍ଡ ବଣ୍ଟନ ପାଇଁ ଯୋଜନା ପ୍ରସ୍ତୁତ କରାଯାଇଛି । ସବୁଠୁ ବଡ କଥା ପୂର୍ବରୁ ଥିବା ଯୋଜନା ଅନୁଯାୟୀ ପଞ୍ଜିକୃତ ହିତାଧିକାରୀମାନଙ୍କୁ ନୂତନ ସ୍ୱାସ୍ଥ୍ୟ ବୀମା କାର୍ଡ ପ୍ରଦାନ କରାଯିବ। ଯେ ପର୍ଯ୍ୟନ୍ତ ହିତାଧିକାରୀମାନେ ସେମାନଙ୍କର ନୂତନ କାର୍ଡ ପାଇନାହାନ୍ତି, ସେ ପର୍ଯ୍ୟନ୍ତ ସେମାନେ ସେମାନଙ୍କର ବର୍ତ୍ତମାନର କାର୍ଡ ନମ୍ବର ବ୍ୟବହାର କରି କିମ୍ବା ଆଧାର ନମ୍ବର ମାଧ୍ୟମରେ ଚିକିତ୍ସା ସେବା ପାଇପାରିବେ।
ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (ପିଏମ-ଜେଏୱାଇ) ଏବଂ ଗୋପବନ୍ଧୁ ଜନ ଆରୋଗ୍ୟ ଯୋଜନା ମିଳିତ ଭାବରେ ଏପ୍ରିଲ ୧୧ ରୁ ଆରମ୍ଭ ହେବ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ (ଜେପି ନଡ୍ଡା) ସ୍ୱାସ୍ଥ୍ୟ କାର୍ଡ ବଣ୍ଟନ ଆରମ୍ଭ କରିବେ ବୋଲି ସ୍ୱାସ୍ଥ୍ୟ ସଚିବ ଅଶ୍ୱସ୍ତି ଏସ୍ ସୂଚନା ପ୍ରଦାନ କରିଛନ୍ତି ।
