ପାଟଣା, (୨୪/୦୩) : ଆପ୍ର. : ଢେଙ୍କିକୋଟ ଟିକିରା ସ୍ଥିତ ଘଟଗାଁ ବ୍ଲକ ଓଡ଼ିଶା ଆଦର୍ଶ ବିଦ୍ୟାଳୟରେ ଆଜି ବିଶ୍ୱ ପୃଥିବୀ ଦିବସ ଉତ୍ସାହପୂର୍ଣ୍ଣ ଭାବେ ପାଳନ ହୋଇଯାଇଛି ।
ପ୍ରାକୃତିକ ସଂପଦର ରକ୍ଷା, ପରିବେଶ ସୁରକ୍ଷା ଓ ପୃଥିବୀକୁ ସୁସ୍ଥ ଓ ସୁନ୍ଦର ବନାଇବା ଉଦ୍ଦେଶ୍ୟରେ ବିଦ୍ୟାଳୟର ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀମାନେ ଏହି ଅବସରରେ ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମର ଶୁଭାରମ୍ଭ ବିଦ୍ୟାଳୟର ପ୍ରଧାନଶିକ୍ଷକ ଭ୍ରମରବର ମଲ୍ଲିକଙ୍କ ଅଧ୍ୟକ୍ଷତାରେ ହେବା ସହ ବିଦ୍ୟାଳୟ ପରିସରରୁ ଏକ ସଚେତନତା ଶୋଭାଯାତ୍ରା ଢେଙ୍କିକୋଟ ବଜାର ଅଞ୍ଚଳ ପରିକ୍ରମା କରିଥିଲା । ଏହି ଶୋଭାଯାତ୍ରା ଛାତ୍ରଛାତ୍ରୀମାନେ ପ୍ରକୃତି ସୁରକ୍ଷା ବିଷୟରେ ପ୍ଲାକାର୍ଡ ଓ ସ୍ଲୋଗାନ୍ ଉପସ୍ଥାପନ କରି ସମାଜକୁ ସନ୍ଦେଶ ଦେଇଥିଲେ ।
ଏହା ବ୍ୟତୀତ ବିଦ୍ୟାଳୟ ପରିସରରେ ଭାଷଣ ପ୍ରତିଯୋଗିତା ଆୟୋଜିତ ହୋଇଥିଲା ଏବଂ ଛାତ୍ରଛାତ୍ରୀ ମାନେ ଅଂଶଗ୍ରହଣ କରି ପୃଥିବୀ ଓ ପରିବେଶ ସୁରକ୍ଷା ବିଷୟରେ ଜଣାଇଥିଲେ । ଏହି ସମସ୍ତ କାର୍ଯ୍ୟକ୍ରମ ଆୟୋଜନରେ ବିଦ୍ୟାଳୟର ଇକୋ କ୍ଲବ ଏକ ମୁଖ୍ୟ ଭୂମିକା ନିର୍ବାହ କରିଥିଲା । ଏହି କ୍ଲବର ଶିକ୍ଷକ ସଦସ୍ୟ ନର୍ମଦା ମହାନ୍ତ, ଭାଗ୍ୟଶ୍ରୀ ଦଳାଇ, ରମାକାନ୍ତ ସେଠି ଓ ମୋନିକା ଦାଶ ଏହାର ବ୍ୟବସ୍ଥାପନା ଓ ସଫଳ ନିର୍ବାହ ପାଇଁ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ । ସେମାନଙ୍କ ସହ ଅନେକ ଛାତ୍ରଛାତ୍ରୀ ମଧ୍ୟ ଏହି କ୍ଲବର ସଦସ୍ୟ ଭାବରେ ନିର୍ବାହ କାର୍ଯ୍ୟରେ ସହଯୋଗ କରିଥିଲେ ।
