ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୧୯/୦୧) : ରାୟଗଡା ଜିଲ୍ଲା ଓଡ଼ିଶା ଡ୍ରାଇଭର ମହସଂଘର କାର୍ଯ୍ୟ କାରିଣୀ ବୈଠକ ଅନୁଷ୍ଠିତ ହୋଇଯାଇଛି ।
ରାୟଗଡା ସାଙ୍କେସ ମନ୍ଦିର ତଳଗୁମ୍ମା ଠାରେ ଶହ ଶହ ସଂଖ୍ୟାରେ ଏକତ୍ରିତ ହୋଇଥିଲେ ଡ୍ରାଇଭର। ଦିନକ ପାଇଁ ନିଜର ବୃତ୍ତି ଡ୍ରାଇଭର କାର୍ଯ୍ୟକୁ ବିରାମ ଦେଇ ଜିବନ ଓ ଜୀବିକାକୁ କେଉଁଭଳି ସୁରୁଖୁରୁରେ ଆଗକୁ ନେବା ସେହି ଦିଗରେ ଆଲୋଚନା କରିଥିଲେ । ଅର୍ଥନୈତିକ ବିକାସରେ ଡ୍ରାଇଭର ଜଣେ ପ୍ରମୁଖ ଭୂମିକା ଗ୍ରହଣ କରିଥାଏ। କିନ୍ତୁ, ସେହି ଡ୍ରାଇଭର ଦ୍ଵାରା ଟିକିଏ ଭୁଲରେ ସେ ନିଜେ କେତେ ଯେ ନିନ୍ଦା ଅପବାଦ ଓ ଦଣ୍ଡ ଭଗିବାକୁ ପଡ଼ୁଛି ସେହି ଦିଗରେ ବିସ୍ତୃତ ଆଲୋଚନା ହୋଇଥିଲା । ଅନ୍ୟପଟେ ସଂଘର ସଭାପତି ଜିତେନ୍ଦ୍ର ନାୟକ କହିଥିଲେ ପ୍ରଥମେ ପଂଚାୟତରୁ ଡ୍ରାଇଭର ସଚେତନ ଓ ସଜାଗ ହେବାକୁ ପଡିବ । ଯାହାଦ୍ବାରା ପଞ୍ଚାୟତର ପ୍ରଭାବ ବ୍ଲକ ଏଵଂ ବ୍ଲକର ପ୍ରଭାବ ଜିଲ୍ଲା ଉପରେ ପଡ଼ିଥାଏ । ଏହି ବୈଠକରେ ସଂଘର ସମସ୍ତ ସଦସ୍ୟ ପଣ କରିଥିଲେ ଯେ, ନିଶାମୁକ୍ତ ଡ୍ରାଇଭିଂ କରିବେ ।
ଡ୍ରାଇଭିଂ ଲାଇସେନ୍ସ, ଇନ୍ସୁରେନ୍ସ ଓ ନିଜର ୟୁନିଫର୍ମ ସାର୍ଟ ପିନ୍ଧିବା ବଧ୍ୟତା ମୂଳକ ଅଟେ। ଉକ୍ତ ବୈଠକରେ ରାୟଗଡ଼ ଜିଲ୍ଲାର ୧୧ଗୋଟି ବ୍ଲକର ଡ଼୍ରାଇଭର ସଂଘ ସଭାପତି ମାନେ, ଉପ ସଭାପତି ଉପଦେଷ୍ଟା, ସଂପାଦକ ପ୍ରମୁଖ ନିଜ ନିଜର ବ୍ଲକରେ ସମସ୍ୟା ବିଷୟରେ କହିବା ସହ ସମସ୍ୟାର ସମାଧାନ ଉପରେ ସଂଘ ସଭାପତି ଙ୍କ ଠାରୁ ଉପଦେଶ ନେଇଥିଲେ ।
ସମାଜରେ ଡ଼୍ରାଇଭର ହେଉଚି ଦେବଦୂତ ଭଳି ବିପଦରେ ଠିଆ ହୋଇଥାଏ । କିନ୍ତୁ, ଡ଼୍ରାଇଭର କୁ ବିପଦ ଆସିଲେ ସମାଜ ଏକ ପାଖିଆ ନ୍ୟାୟ ଦେଇ ଥାଆନ୍ତି। ଏପରିକି ଡ଼୍ରାଇଭର ର ଭୁଲ ନ ଥାଇ ମାଡ଼ ଖାଇବା ସହ ଲୋକଙ୍କ ଆକର୍ଷର ଶିକାର ହେଉଛନ୍ତି। ଏହିଭଳି ଅନେକ ସମସ୍ୟା ବିଷୟରେ ଆଲୋଚନା ହୋଇଥିଲା। ଡ଼୍ରାଇଭର ଙ୍କ ମୃତ୍ୟୁ କାଳୀନ ବିମା ଏବଂ ଦୁର୍ଘଟଣାରେ ପରଷ୍ପର କିଭଳି ସହାୟକ ହୋଇ ପାରିବେ ଏ ନେଇ ଏକ ଶାନ୍ତି ପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା । ବୈଠକ ଶେଷରେ ସମସ୍ତଙ୍କ ପାଇଁ ସୁସ୍ଵାଦୁ ଭୋଜନ ର ମଧ୍ୟ ବ୍ୟବସ୍ଥା ହୋଇଥିଲା । ବହୁତ ଦିନ ପରେ ସମସ୍ତେ ଏକାଠି ହୋଇଥିବାରୁ ଖୁସୀରେ ନାଚ ଗୀତର ମଧ୍ୟ ଆସର ଜମିଥିଲା ।
