ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୨୭/୦୫) : ସୋନପୁର ପୁଲିସକୁ ବଡ ସଫଳତା । କଣ୍ଟେନର ସହିତ ୩ କୁଇଣ୍ଟାଲ୍ ୭୫ କେଜି ଗଞ୍ଜେଇ ଜବତ କରିଛି ସୋନପୁର ପୁଲିସ ।
ଏହା ସହ ମଧ୍ୟପ୍ରଦେଶ ରାଜ୍ୟର ୨ ଅଭିଯୁକ୍ତକୁ ଗିରଫ କରାଯାଇଛି । ବୌଦ୍ଧ ଜିଲ୍ଲା କଣ୍ଟାମାଳ ଅଞ୍ଚଳରୁ ବାହାର ରାଜ୍ୟକୁ ଯାଉଥିଲା ଗଞ୍ଜେଇ । ଆଜି ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୁବର୍ଣ୍ଣପୁର ଆରକ୍ଷୀ ଅଧିକ୍ଷକ ସୂଚନା l ପୁଲିସ ସୂଚନା ଅନୁସାରେ ଗତକାଲି ଏକ ବିଶ୍ବସ୍ତ ସୂତ୍ରରୁ ଖବର ପାଇ ସୋନପୁର ପୋଲିସ ସ୍ଥାନୀୟ କୁଞ୍ଜ ଛକ ଠାରୁ ବ୍ଲକ ଛକ ପର୍ଯ୍ୟନ୍ତ ଟ୍ରାକିଂ କରିଥିଲା । ଏହି ସମୟରେ ଏକ କଣ୍ଟେନର ନମ୍ବର MP -୧୮ GA -୨୭୩୬ ଲୁହା ଛଡ଼ ନେଇ ଯାଉଥିବାବେଳେ ତାକୁ ଜିଲ୍ଲାପାଳ କାର୍ଯ୍ୟାଳୟ ଆଗରେ ପୋଲିସ ପକ୍ଷରୁ ତନଖି କରାଯାଇଥିଲା । ତେବେ କଣ୍ଟେନର୍ ଭିତରେ ୧୫ ବସ୍ତା ଗଞ୍ଜେଇ ଥିବା ଜାଣିବାକୁ ପାଇଥିଲା ପୁଲିସ ।
ସୋନପୁର ପୋଲିସ ଉକ୍ତ କଣ୍ଟେନର କୁ ଜବତ୍ କରିବା ସହିତ ଗାଡ଼ି ଚାଳକ ଓ ଆଉ ଜଣେ ବ୍ୟକ୍ତିକୁ ଗିରଫ କରିଛି । ଗିରଫ ବ୍ୟକ୍ତିମାନେ ହେଲେ ମଧ୍ୟପ୍ରଦେଶ ରାଜ୍ୟର ବିନୋଦ ମାଂଝୀ ଓ ବିଜୟ ଗାଭ୍ଲେ। ଉଭୟଙ୍କୁ ଆଜି କୋର୍ଟ ଚାଲାଣ କରାଯିବା ନେଇ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ସୁବର୍ଣ୍ଣପୁର ଆରକ୍ଷୀ ଅଧିକ୍ଷକ ୟସ ପ୍ରତାପ ଶ୍ରୀମାଲ l
