ରିପୋର୍ଟ : ରୁଦ୍ର ନାରାୟଣ ହୋତା //
କୁନ୍ଦୁରା,କୋରାପୁଟ,(୩୦/୧୦) : କନିଷ୍ଠ ଶିକ୍ଷକଙ୍କ ଦରମା ବୃଦ୍ଧି ନିମନ୍ତେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ l କୁନ୍ଦୁରା ବ୍ଲକ ପ୍ରାଥମିକ ଶିକ୍ଷକ ସଙ୍ଘ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି l
ସଙ୍ଘର କାର୍ଯ୍ୟକାରୀ ସଭାପତି କିଶର କୁମାର ପାଳଙ୍କ ନେତୃତ୍ୱରେ କୁନ୍ଦୁରା ବ୍ଲକର ସମସ୍ତ କନିଷ୍ଠ ଶିକ୍ଷକ ଶିକ୍ଷୟତ୍ରୀଙ୍କ ନେଇ ସ୍ଥାନୀୟ ଗୋଷ୍ଠି ଶିକ୍ଷା ଅଧିକାରୀଙ୍କ କାର୍ଯାଳୟରେ ପହଂଚି ବିଇଓ ଙ୍କ ମାଧ୍ୟମରେ କନିଷ୍ଠ ଶିକ୍ଷକଙ୍କ ଦରମା ବୃଦ୍ଧି କୁ ନେଇ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଏକ ଦାବୀପତ୍ର ପ୍ରଦାନ କରିଛନ୍ତି l ଅଭିଯୋଗ ଅନୁଯାୟୀ,ସେମାନଙ୍କୁ ସରକାର ପାତର ଅନ୍ତର କରୁଛନ୍ତି l
ସରକାର ପକ୍ଷରୁ କ୍ୟାବିନେଟ ବୈଠକରେ ରାଜ୍ୟର ଚୁକ୍ତିଭିତିକ ନିଯୁକ୍ତି ଉଛେଦ ପ୍ରକିୟା ଆରମ୍ଭ କରିବା ପାଇଁ ନିଷ୍ପତି ନେଇ କାର୍ଯ୍ୟକାରୀ ମଧ୍ୟ କରିଛନ୍ତି l କିନ୍ତୁ କନିଷ୍ଠ ଶିକ୍ଷକ ଏଥିରୁ ବାଦ ପଡିଛନ୍ତି l ଯାହାକି ଶିକ୍ଷକ ଗୋଷ୍ଠିରେ ନୌରାଶ୍ୟର ଛାୟା ଖେଳିଯାଇଛି l ବର୍ଦ୍ଧିତ ଦରଦାମ ସlଙ୍ଘକୁ ସ୍ୱଳ୍ପ ଦରମା ଶିକ୍ଷକମାନଙ୍କୁ ଆହୁରି ଅଧିକ ଚାପଗ୍ରସ୍ତ କରିଦେଉଛି l
ଏଣୁ ଶିକ୍ଷକ ମାନଙ୍କ ଦରମା ବୃଦ୍ଧି ନିମନ୍ତେ ଏହିପରି ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି ବୋଲି ସଙ୍ଘର ସମ୍ପାଦକ ନୟନ କୁମାର ବିଶୋଇ ପ୍ରକାଶ କରିଛନ୍ତି l
