ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୧୩/୨) : ମୁରିବାହାଲ ବ୍ଲକ ସଦର ସ୍ଥିତ ଧନୁଯାତ୍ରା ପଡିଆଠାରେ ଷଷ୍ଠତମ ଧନୁଯାତ୍ରା ମୋହତ୍ସବ ଆସନ୍ତା ତା ୧୪ ତାରିଖରୁ ୨୦ ତାରିଖ ପର୍ଯ୍ୟନ୍ତ ପାଳିତ ହେବ ।
ଏହି ଉପଲକ୍ଷେ କମିଟି ସଭାପତି ଶ୍ରୀବତ୍ସ ବେହେରାଙ୍କ ସଭାପତିତ୍ୱରେ ଗୁରୁବାର ଏକ ସାମ୍ବାଦିକ ସମ୍ବିଳନୀ ଅନୁଷ୍ଠିତ ହୋଇଥିଲା । ଧନୁଯାତ୍ରା ମହୋତ୍ସବରେ ମୁରିବାହାଲ ମଥୁରା ନଗର ଏବଂ ବନବାହାଲ ଗୋପପୁର ପାଲଟିବ । ୧୪ ତାରିଖ ଠାରୁ ପ୍ରତ୍ୟହ ସନ୍ଧ୍ୟା ୭ ଟାରେ କଂସ ଦରବାର ଅନୁଷ୍ଠିତ ହେବ ।ପୌରାଣିକ କଥାବସ୍ତୁକୁ ନେଇ ନାଟ୍ୟାଭିନୟ ସହିତ ରାଜ୍ୟ ତଥା ରାଜ୍ୟ ବାହାରର ବିଭିନ୍ନ ସାଂସ୍କୃତିକ ଦଳ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହେବ । ଦର୍ଶକଙ୍କ ସୁବିଧାକୁ ଦୃଷ୍ଟିରେ ରଖି ଆୟୋଜକ କମିଟୀ ପକ୍ଷରୁ ବ୍ୟାପକ ପ୍ରସ୍ତୁତି ଚାଲିଥିବା ଜଣାପଡିଛି ।
ଦୁର୍ମିଳା ସୁର ଵଧ,ନାରଦ କଂସଙ୍କ ସମ୍ବାଦ, ଦେବକୀ ବିବାହ,କଂସ ସିଂହାସନ ଆରୋହଣ, ଷଡ଼ପୁତ୍ର ବିନାଶ, ସ୍ୱର୍ଗପୁର ଆକ୍ରମଣ, ନନ୍ଦ ଉତ୍ସବ,କାଳୀୟ ଦଳନ,ଗୋପପୁର ରେ କାର୍ଯ୍ୟକ୍ରମ ଆୟୋଜିତ ହେବ। ପୋଲିସ ପ୍ରଶାସନ ପକ୍ଷରୁ ଆଇନ ଶୃଙ୍ଖଳା ବ୍ୟବସ୍ଥା ରହିଥିବା ସୂଚନା ଦିଆଯାଇଥିଲା । ଅନୁଷ୍ଠିତ ସାମ୍ବାଦିକ ସମ୍ବିଳନୀ ରେ ଉପ ସଭାପତି ସୁବ୍ରତ ମହାକୁର,ସରପଞ୍ଚ ବିଶ୍ୱ ବିହାରୀ ଯୋଶୀ,ଲକ୍ଷ୍ମୀକାନ୍ତ ଧରୁଆ, ଶ୍ୟାମ ସୁନ୍ଦର ଝାଙ୍କର, ଦିବ୍ୟ ସୁନ୍ଦର ସାହୁ,କାର୍ଯ୍ୟକାରୀ ସଭାପତି ରାଜୀବ ମହାନ୍ତି,ରମେଶ କୁମାର ନାଗ,ସୁଦାମ ସାହୁ,କୋଷାଧ୍ୟକ୍ଷ ଭରତ ଦାସ,ପଦ୍ମଲୋଚନ ସାହୁ,ସଂଯୋଜକ ସୁଧାଂଶୁ ପୋଢ଼ ଯାଦବ,ଉଦିତ କଟା, ପ୍ରଚାର ପ୍ରସାର ସମ୍ପାଦକ ମନୋଜ କୁମାର କର, କେଦାର ବଡ଼ଜେନା,କମିଟି ସଦସ୍ୟ ବାବୁଲି ରାଉତ, କରନ ଜାଲ, ପ୍ରମୁଖ ଉପସ୍ଥିତ ଥିଲେ ।
