ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୨୧/୧୨) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ଅନ୍ତଗର୍ତ ସିଂଘିଯୁବା ପଞ୍ଚାୟତ କମିରାରେ ଧନୁଯାତ୍ରା ମହୋତ୍ସବ ଉଦଘାଟିତ ହୋଇଯାଇଛି ।
ଧନୁଯାତ୍ରା ମହୋତ୍ସବ ପରିଚାଳନା କମିଟି ସଭାପତି ଅଶୋକ ନନ୍ଦଙ୍କ ନେତୃତ୍ବରେ ରାମପୁର ଶ୍ରୀରାମ ମହାବିଦ୍ୟାଳୟ ପରିଚଳନା କମିଟି ସଭାପତି ରମେଶ ପୂଜାରୀ ମୂଖ୍ୟ ଅତିଥି, ଡ଼ୁଙ୍ଗୁରିପାଲି ବ୍ଳକ ଉପାଧକ୍ଷ ମକରଧ୍ବଜ ସାହୁ ,ବିରମାହାରାଜପୁର ବ୍ଳକ ଉପାଧକ୍ଷ ନାରାୟଣ ଲୁହା ,ସିଘିଂଯୁବା ପଞ୍ଚାୟତ ସରପଞ୍ଚ ପଦ୍ମିନୀ ତ୍ରିପାଠୀ,କମିରା ଧନୁଯାତ୍ରା କମିଟି କାର୍ଯ୍ୟକାରୀ ସଭାପତି ସଂଞ୍ଜିବ ତ୍ରୀପାଠୀ, ଆତ୍ମାକମିଟି ଚ୍ୟାୟାରମେନ ତପନ ପଣ୍ଡା, ସଂଘିଯୁବା ପେସ୍କ ସଭାପତି ମନୋଜ ସାହୁ, ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇ ଫିତାକାଟି ଧନୁଯାତ୍ରା ମହୋତ୍ସବକୁ ଉଦଘାଟନ କରିଥିଲେ । ଅନୁଷ୍ଟିତ ରାଜ ସଭାରେ ମହାରାଜା, ପାତ୍ର ମନ୍ତ୍ରୀ, ପ୍ରମୁଖ ଉପସ୍ତିତ ରହି ବିଭିନ୍ନ ଆଲୋଚନା କରିଥିଲେ ।
ରାଜ ଅତିଥି ମାନଙ୍କ ମନ ମୁଗ୍ଧ ପାଇଁ ବିଭିନ୍ନ ନାଚ ଗୀତର ଆଯୋଜନ କରାଯାଇଥିଲା । ପରେ ଗର୍ଗ ମୁନି ଓ ନାରଦଙ୍କ ପରାମର୍ଶ କ୍ରମ ମହାରାଜ ଉଗ୍ରେସନ ତାଙ୍କର ଏକମାତ୍ର ଅଳିଅଳ କନ୍ୟା ଦେବକୀର ବିବାହ ବସୁଦେବଙ୍କ ସହ କରାଇଥିଲେ । ଯୁବରାଜ କଂସ, ଭଉଣୀ ଦେବକୀ, ଭେଣୋଇ ବସୁଦେବଙ୍କୁ ଛାଡି ଯାଉଥିବା ବେଳେ ହଠାତ୍ ଶୂନ୍ୟବାଣି ଶୁଣିଥିଲା । ‘ରେ ରେ କଂସ ତୋତେ ମାରିବ ଯିଏ ଗୋପରେ ବଢ଼ୁଛି ସିଏ’ ଏଥିରେ କଂସ ବିଚଳିତ ହୋଇ ଦେବକୀ ଓ ବସୁଦେବଙ୍କୁ ମଥୁରା କାରାଗାରରେ ବନ୍ଦୀ କରି କଡାପ୍ରହରୀ ମଧ୍ୟରେ ରଖିଥିଲେ । ଏହାପରେ ମଥୁରା ନରେଶ ଉଗ୍ରେସନଙ୍କୁ ଗାଦିଚ୍ୟୁତ କରି ନିଜେ କଂସ ସିଂହାସନ ଆରୋହଣ କରିଥିଲା । ଶେଷରେ ଯାତ୍ରା କମିଟି କୋଷାଧ୍ୟକ୍ଷ ଦିପ୍ତି ରଞ୍ଜନ ମିଶ୍ର ଧନ୍ୟବାଦ ଦେଇଥିଲେ ।
