ରିପୋର୍ଟ: ରବିଶଙ୍କର ମହାପାତ୍ର//
କୋରାପୁଟ (୦୩/୧୨): କୋରାପୁଟ ଜିଲ୍ଲା ଦଶମନ୍ତପୁର ଠାରେ ସୋମବାର ଜିଲ୍ଲାପାଳଙ୍କ ଅଭିଯୋଗ ଶିବିର ଅନୁଷ୍ଠିତ ହୋଇଥିବା ବେଳେ ପ୍ରତ୍ୟେକ ବ୍ଲକରେ ପଞ୍ଚାୟତ ସ୍ତରୀୟ ଅଭିଯୋଗ ଓ ଜନ ଶୁଣାଣି ଶିବିର ଅନୁଷ୍ଠିତ ସୋଇଯାଇଛି ।ଏହି ଶୃଙ୍ଖଳାରେ ବୋରିଗୁମ୍ମା ବ୍ଲକ କାମତା ପଞ୍ଚାୟତ କାର୍ଯ୍ୟାଳୟରେ ଅଭିଯୋଗ ।ଜନଗୁଣାଣି ତଥା ସଚେତନତା ଶିବିର ଅନୁଷ୍ଠିତ ହୋଇଯାଇଛି ।
ବି.ଡ଼ି. ଓ ସନ୍ଧ୍ୟା ସମରଥଙ୍କ ଅନୁପସ୍ଥିତିରେ ଏବି.ଡି. ଓ. ମାଧୁରୀ ଆଚାରୀ ଅଭିଯୋଗ ଗ୍ରହଣ କରିଥିବା ବେଳେ ସହାୟକ ଯନ୍ତ୍ରୀ ସତ୍ୟ ନାରାୟଣ ସେଠୀ ସହଯୋଗ କରିଥିବା ଜଣାପଡିଛି । ପ୍ରାୟ ୨୦ରୁ ଉର୍ଦ୍ଧ୍ଵ ଅଭିଯୋଗର ଜନଶୁଣାଣି ହୋଇଥିବା ଜଣାପଡ଼ିଛି ।ଅଭିଯୋଗକାରୀଙ୍କ ମଧ୍ୟରେ ଲୋକ ପ୍ରତିନିଧି,ସରକାରୀ କର୍ମଚାରୀ ତଥା ଜିଲ୍ଲାସ୍ତରୀୟ ରାଜନୀତିକ ନେତା ମାନଙ୍କୁ ମଧ୍ୟ ବିଭିନ୍ନ ସମ୍ବେଦନଶୀଳ ପ୍ରସଙ୍ଗ ନେଇ ଲିଖିତ ଅଭିଯୋଗ କରିଥିବା ଦେଖା ଯାଇଥିଲା । ମୂଖ୍ୟ ଅଭିଯୋଗ କାରୀଙ୍କ ମଧ୍ୟରେ ଭାଜପା. ନେତା ଭାସ୍କର ଭଟ୍ଟ,ପଶୁଧନ ନିରୀକ୍ଷକ ରାଜୀବ ଲୋଚନ ଖୋସଲା,ନାଏବ ସରପଞ୍ଚ ବନମାଳୀ ମାଝିଙ୍କ ସମେତ ଆନନ୍ଦ ପ୍ରକାଶ ଗୌଡ,ସୁଧୀର କୁମାର ଷଡ଼ଙ୍ଗୀ, ଦୋଳ ଗୋବିନ୍ଦ ନାୟକ, ବାସନ୍ତୀ ତନ୍ତୀ,ମିଲନ ମହାଙ୍କୁଡ, ସୁନାମଣି ଜାନୀଙ୍କ ଅଭିଯୋଗ ଗୁଡିକ ଗୁରୁତ୍ବପୂର୍ଣ୍ଣ ତଥା ସମ୍ବେଦନ ଶୀଳ ଥିଲା ।
ଉନ୍ନୟନ ମୂଳକ କାର୍ଯ୍ୟପାଇଁ ସରକାରୀ ଜମିର ଆବଶ୍ୟକତା ଥିବାବେଳେ ରାଜସ୍ଵ ବିଭାଗର କୌଣସି କର୍ମଚାରୀ ଉପସ୍ଥିତ ନ ଥିବା ଦେଖା ଯାଇଥିଲା ।ଜଳ ଯୋଗାଣ ପାଇଁଁ ଉଦ୍ଦିଷ୍ଟ ମେଗା ପ୍ରକଳ୍ପ କାର୍ଯ୍ୟରେ ଅନିୟମିତତା,ସୁଭଦ୍ରା ଯୋଜନା ରେ ସମସ୍ୟା, ଅଙ୍ଗନବାଡ଼ି ଗୃହ ନିର୍ମାଣ କାର୍ଯ୍ୟରେ ଶିଥିଳତା ଇତ୍ୟାଦି ଅଭିଯୋଗ ଥିବା ବେଳେଜି.ପି.ଡ଼ି.ଓ.ସ୍ୱାଗତିକା ଗୋପାଳ ପି.ଇ.ଓ ବାସୁଦେବ ମିଶ୍ର,କନିଷ୍ଠ ଯନ୍ତ୍ରୀ ଲିପିକା ଲୋପାମୁଦ୍ରା, ସି.ଡି.ପି.ଓ. ଗାୟତ୍ରୀ ବାହିନୀପତି, ସୁପରଭାଇଜର ଗୀତା ମୁଦୁଲି, ଏ.ଏନ୍.ଏମ୍.,ସି. ଏଚ୍.ଓ. ତଥା ଅନ୍ୟାନ୍ୟ କେତୋଟି ସରକାରୀ ବିଭାଗୀୟ ଅଧିକାରୀ ଉପସ୍ଥିତ ଥିଲେ ।ଜଳ ଯୋଗାଣ ସମ୍ପର୍କିତ ବିଭିନ୍ନ ପ୍ରକଳ୍ପ ତଥା ନାଳ ନିର୍ଦ୍ଦମା ଆବର୍ଜନା ସଫା ଓ ସୁଭଦ୍ରା ଯୋଜନା ସମ୍ପର୍କିତ ଏକାଧିକ ଅଭିଯୋଗ ପ୍ରଶାସନର ହସ୍ତଗତ ହୋଇଥିବା ଦେଖା ଯାଇଥିଲା ।
