ଭୁବନେଶ୍ୱର, (୨୧/୦୫) : ଆପ୍ର. : ଭୁବନେଶ୍ୱର ନାଲକୋ ଛକରେ ଏକ ଅଘଟଣ ଘଟିଯାଇଛି । ପୁରୀରେ ମହାପ୍ରଭୁଙ୍କ ଦର୍ଶନ ସାରି ଫେରୁଥିବା ବେଳେ ନାଲକୋ ଛକରେ ଦୁର୍ଘଟଣା ଘଟିଛି । ଫଳରେ ଜଣେ ଶିଶୁ ଓ ମହିଳା ଆହତ ହୋଇଛନ୍ତି ।
ସୂଚନା ଅନୁସାରେ, କିଛି ଲୋକ ପୁରୀରେ ମହାପ୍ରଭୁଙ୍କ ଦର୍ଶନ ସାରି କାରରେ ଫେରୁଥିବା ବେଳେ ହଠାତ ପଛପଟୁ ଦ୍ରୁତ ଗତିରେ ଆସୁଥିବା ଏକ ବାଇକ ତାଙ୍କୁ ଧକ୍କା ଦେଇଥିଲା । ଯାହା ଫଳରେ ଘଟଣାସ୍ଥଳରେ ଦୁଇ ବାଇକ ଚାଳକ ଆହତ ହୋଇଥିବା ବେଳେ କାରରେ ଥିବା ଶିଶୁ ଓ ମହିଳା ମଧ୍ୟ ଆହତ ହୋଇଥିବା ଜଣାପଡିଛି । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ତେବେ ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଅଧିକ ତଦନ୍ତ ଜାରି ରଖିଛି ।
