କୋରାପୁଟ, ୧୭/୫): ପ୍ରବଳ ଗ୍ରୀଷ୍ମ ପ୍ରବାହକୁ ନଜରରେ ରଖି ରାଜ୍ୟ ସରକାର ସକାଳୁଆ ଅଫିସ୍ ଲାଗି ନିର୍ଦ୍ଦେଶ ଦେଇଛନ୍ତି। ତେବେ ଏହି ନିର୍ଦ୍ଦେଶକୁ ସରକାରୀ ଅଧିକାରୀ ଓ କର୍ମଚାରୀ ଫୁ କରିଥିବା ଦେଖିବାକୁ ମିଳିଛି। ଠିକଣା ସମୟରେ ବାବୁମାନଙ୍କ ଦେଖା ମିଳୁନି। କେଉଁ କାର୍ଯ୍ୟାଳୟରେ ପିଅନ ଫାଟକ ଖୋଲିଥିବା ବେଳେ ଆଉ କେଉଁଠାରେ ସାରାଦିନ ଫାଟକ ଖୋଲା ନଯାଇ ଝୁଲୁଛି ତାଲା ।
ଆଉ କେଉଁଠାରେ ସରକାରକା ମାଲ ଦରିଆ ମେଡାଲ ଭଳି ଫାଟକ ଖୋଲା ଅଛି ହେଲେ କର୍ମଚାରୀ ନାହାନ୍ତି କିନ୍ତୁ ଫ୍ୟାନ ଆଉ ଏସି ଅନବରତ ଚାଲିଛି । ଖାଲି ଏତିକି ନୁହଁ, କିଛି ଅଫିସରେ ସାଢେ ୮ ଅଥବା ୯ଟା ପର୍ଯ୍ୟନ୍ତ ତାଲା ଝୁଲୁଛି। ଏହି ଦୃଶ୍ୟ ହେଉଛି କୋଟପାଡ଼ ବ୍ଲକ ମଧ୍ୟରେ ଥିବା ଖାଦ୍ୟ ଯୋଗାଣ ବିଭାଗ,କାର୍ଯ୍ୟାଳୟର ଦୃଶ୍ୟ । ସରକାରୀ କାର୍ଯ୍ୟାଳୟକୁ ବହୁଦୂରଦୂରାନ୍ତରୁ ଲୋକେ ରାସନ କାର୍ଡ ସମ୍ବନ୍ଧୀୟ କୌଣସି କାମ ପାଇଁ ଗଲେ ବାବୁଙ୍କୁ ନ ପାଇ ଫାଟକରେ ତାଲା ଝୁଲୁ ଥିବା ଦେଖି ନିରାଶରେ ଘରକୁ ଫେରୁଛନ୍ତି। କେହି କେହି ଅଫିସରେ ବାବୁ ଫିଲଡ଼ କାମରେ ଯାଇଛନ୍ତି ବୋଲି ଉତ୍ତର ଆସୁଛି। ଅନ୍ୟପକ୍ଷରେ ବିଭିନ୍ନ ସମୟରେ କେଉଁ ଅଧିକାରୀ ଅଫିସରେ ରହୁଛନ୍ତି, କେଉଁ ଅଧିକାରୀ ଟୁର ଯାଉଛନ୍ତି ଏ ନେଇ କାର୍ଯ୍ୟାଳୟ ସମ୍ମୁଖରେ ସୂଚନା ମରାଯିବାର ନିୟମ ରହିଛି।
ହେଲେ ଏଥିରେ ବି ବ୍ୟତିକ୍ରମ ରହୁଛି| ତେବେ ବାୟୋମେଟ୍ରିକ ବ୍ୟବସ୍ଥା ସହ ଫେସ ଆଇଡି ଉପସ୍ଥାନ ପୁଣି କାର୍ଯ୍ୟକାରୀ କରିବାକୁ ବିଭିନ୍ନ ମହଲରୁ ଦାବି ହୋଇଛି। ଜିଲ୍ଲା ପ୍ରଶାସନ ଏହି କାର୍ଯ୍ୟାଳୟ ପ୍ରତି ଦୃଷ୍ଟି ଦେଇ ଠିକ ସମୟରେ କାର୍ଯ୍ୟାଳୟ ଖୋଲିଲେ ଦୁରଦୁରାନ୍ତରୁ ଆସୁଥିବା ସାଧାରଣ ଲୋକଟିଏ ଉପକୃତ ହୋଇପାରନ୍ତେ ବୋଲି ଦାବି ହେଉଛି ।
