ରିପୋର୍ଟ : ପ୍ରଣତି ସାବତ
କାଶୀନଗର, (୨୮/୦୨) : ସ୍ଥାନୀୟ ବାରାଣସୀ ସରକାରୀ ହାଇସ୍କୁଲ୍ ଖେଳ ପଡିଆରେ ପ୍ରେସ୍ ଏକାଦଶ ଓ ପ୍ରଶାସନ ଏକାଦଶ ଟିମ୍ ମଧ୍ୟରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ୍ ମ୍ୟାଚ୍ ଅନୁଷ୍ଠିତ ହୋଇ ଯାଇଛି ।
ରବିବାର ଦିନ ୧୨ ଓଭର୍ ବିଶିଷ୍ଟ ଏହି ମ୍ୟାଚ୍ ରେ ପ୍ରେସ୍ କ୍ଲବ୍ ସଭାପତି ରାଜେଶ ମିଶାଲ ପ୍ରେସ୍ ଏକାଦଶର କ୍ୟାପଟେନ୍ ଦାୟିତ୍ୱ ତୁଲାଇଥିବା ବେଳେ ତହସିଲଦାର ସୁଧୀର କୁମାର ନନ୍ଦ ପ୍ରଶାସନ ଏକାଦଶର କ୍ୟାପଟେନ୍ ରହିଥିଲେ । ଟସ୍ ଜିଣି ପ୍ରଶାସନ ଏକାଦଶ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେବା ସହ ୪ ଵିକେଟ୍ ହରାଇ ୧୧୮ ରନ୍ କରିଥିଲା । ଜଗନ ବାରିକ ୨୦ ବଲ୍ ରେ ୫୩ ରନ୍ କରି ଅପରାଜେୟ ଥିଲେ . ୧୧୯ ରନ୍ ର ଲକ୍ଷ୍ୟ ହାସଲ କରିବାକୁ ଯାଇ ପ୍ରେସ୍ ଏକାଦଶ ସଂଘର୍ଷ ଜାରି ରଖିଥିବା ବେଳେ ଶେଷ ସୁଦ୍ଧା ୭ ଵିକେଟ ହରାଇ ୧୦୮ ରନ୍ ମାତ୍ର କରି ପାରିଥିଲା ।
ତେବେ ରକ୍କମ୍ ବେଣୁଗୋପାଳ ଏକାକୀ ୬୭ ରନ୍ କରିଥିଲେ । ଅଂଶୁମାନ ବେବର୍ତ୍ତା, ଟି . ରବି ପ୍ରମୁଖ ୟମ୍ପାଇରିଂ ଦାୟିତ୍ୱ ତୁଲାଇଥିବା ବେଳେ କାଶୀନଗର ଥାନା ଆଇ ଆଇ ସି ସୁନୀଲ୍ କୁମାର ବେହେରା, ସାମ୍ବାଦିକ ପି. ମୁରଲୀ ପ୍ରମୁଖ ଧାରା ବିବରଣୀ ଦେଇଥିଲେ । କାଶୀନଗର ନାଗରିକ ମହାସଭା ସଭାପତିଙ୍କ ସମେତ ବହୁ ଅଫିସର, କର୍ମଚାରୀ ସାମ୍ବାଦିକ ଓ କ୍ରିକେଟପ୍ରେମୀ ଉପସ୍ଥିତ ରହି ମ୍ୟାଚ୍ ଦେଖିବା ସହ ଖେଳାଳିଙ୍କୁ ଉତ୍ସାହିତ କରିଥିଲେ ।
