ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଭୁବନେଶ୍ୱର, (୦୩/୦୬) : କିଡନୀ ହେଉଛି ଆମ ଶରୀରର ସବୁଠାରୁ ଗୁରୁତ୍ୱପୂର୍ଣ୍ଣ ଅଙ୍ଗ। ଯାହା ରକ୍ତକୁ ଫିଲ୍ଟର୍ କରିବା ପରେ ସଫା କରିଥାଏ ।
ଏହା ରକ୍ତରୁ କ୍ରିଏଟିନାଇନ୍, ୟୁରିଆ, ଏସିଡ୍ ପରି ବିଷାକ୍ତ ପଦାର୍ଥକୁ ବାହାର କରିଥାଏ । ଯେତେବେଳେ ଖାଦ୍ୟ ସହିତ ବର୍ଜ୍ୟବସ୍ତୁ ବ୍ଲାଡରରେ ପ୍ରବେଶ କରେ । ଏହି ସବୁ ଜିନିଷ ପରିସ୍ରା ସହିତ ବାହାରିଯାଏ । କିନ୍ତୁ ଯେତେବେଳେ ଏହା ଗଡବଡ ହେବାକୁ ଲାଗେ । ଏହି ବିପଜ୍ଜନକ ଜିନିଷ ରକ୍ତରେ ମିଶିବା ଆରମ୍ଭ କରେ। କିଡନୀ ଏତେ ଶୀଘ୍ର ନଷ୍ଟ ହୋଇଯାଏ ଯେ ବେଳେବେଳେ ଏହା ଜାଣି ହୁଏ ନାହିଁ । ଏଥିପାଇଁ ଏହାକୁ ସାଇଲେଣ୍ଟ କିଲର ଭାବେ କୁହାଯାଏ । ତେଣୁ, କିଡନୀରେ କ୍ଷତି ଘଟିବା ପୂର୍ବରୁ ଏହା ବିଷୟରେ ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିଡନୀ ନଷ୍ଟ ହେବାର ୭ ଟି ଲକ୍ଷଣ। ଯାହାକୁ ଅଣଦେଖା କରାଯିବା ଉଚିତ୍ ନୁହେଁ ।
ପରିସ୍ରାରେ ପରିବର୍ତ୍ତନ– ପରିସ୍ରାର ପରିମାଣ ଏବଂ ରଙ୍ଗର ପରିବର୍ତ୍ତନ। ଯେପରିକି ବହୁତ କମ୍ କିମ୍ବା ଅଧିକ ପରିସ୍ରା ହେବା। ରକ୍ତସ୍ରାବ ହେବା ମଧ୍ୟ କିଡନୀ ଜନିତ ସମସ୍ୟା ହୋଇପାରେ ।
ଶରୀର ଫୁଲିବା– କିଡନୀ ଫେଲ୍ ହେବା ଫଳରେ ଶରୀରରେ ଜଳ ଜମା ହେବା ଆରମ୍ଭ ହୁଏ। ଯାହା ଗୋଡ, ମୁହଁ ଏବଂ ହାତରେ ଫୁଲା ହୋଇପାରେ। ଏହାକୁ ଏଡିମା କୁହାଯାଏ ।
ଥକ୍କା ଏବଂ ଦୁର୍ବଳତା– କିଡନୀ ରୋଗ ରକ୍ତହୀନତା ସୃଷ୍ଟି କରିପାରେ। ଯାହା ଶରୀରରେ ଥକାପଣ, ଦୁର୍ବଳତା ଏବଂ ଶକ୍ତି ଅଭାବ ସୃଷ୍ଟି କରିଥାଏ। କିଡନୀ ଖରାପ ହେବାରୁ ବର୍ଜ୍ୟବସ୍ତୁ ସଂଗ୍ରହ ହେତୁ ଥକ୍କାପଣ ମଧ୍ୟ ବୃଦ୍ଧି ପାଇପାରେ ।
ଚର୍ମରେ କୁଣ୍ଡେଇ ହେବା ଏବଂ ଶୁଷ୍କତା– କିଡନୀ ବିଫଳତା ହେତୁ ବର୍ଜ୍ୟବସ୍ତୁ ରକ୍ତରେ ଜମା ହୋଇପାରେ। ଯାହା ଚର୍ମରେ କୁଞ୍ଚନ ଏବଂ ଶୁଷ୍କତା ସୃଷ୍ଟି କରିପାରେ ।
କମ୍ ଭୋକ ଏବଂ ଓଜନ ହ୍ରାସ– କିଡନୀ ରୋଗ ଭୋକ ହ୍ରାସ ଏବଂ ଓଜନ ହ୍ରାସ କରିପାରେ। ପ୍ରୋଟିନ୍ ଏବଂ ପୋଷକ ତତ୍ତ୍ୱର ଅବଶୋଷଣ ହ୍ରାସ ହେତୁ ଏହା ହୋଇପାରେ ।
ମାଂସପେଶୀରେ ଯନ୍ତ୍ରଣା– କିଡନୀ ସମସ୍ୟା ଇଲେକ୍ଟ୍ରୋଲାଇଟ୍ ସନ୍ତୁଳନ ଖରାପ ହୋଇପାରେ, ଯାହା ମାଂସପେଶୀ କଷ୍ଟ ଏବଂ ଯନ୍ତ୍ରଣା ଦେଇପାରେ ।
ଉଚ୍ଚ ରକ୍ତଚାପ– କିଡନୀ ଫେଲ୍ ହେଲେ ଉଚ୍ଚ ରକ୍ତଚାପ ସୃଷ୍ଟି କରିପାରେ ଏବଂ ଉଚ୍ଚ ରକ୍ତଚାପ କିଡନୀ ବିଫଳତାକୁ ଆହୁରି ଖରାପ କରେ। ଯଦି ଆପଣ ଏହି ସବୁ ମଧ୍ୟରୁ କୌଣସି ସଙ୍କେତ ଦେଖନ୍ତି। ଯଥାଶୀଘ୍ର ଡାକ୍ତରଙ୍କ ସହିତ ପରାମର୍ଶ କରନ୍ତୁ । କିଡନୀ ସମସ୍ୟାର ପ୍ରାରମ୍ଭିକ ଲକ୍ଷଣକୁ ଚିହ୍ନି ଆପଣ ନିଜ ସ୍ୱାସ୍ଥ୍ୟ ବଜାୟ ରଖିପାରିବେ ।
