ରିପୋର୍ଟ : ସୁଶାନ୍ତ ବେହେରା
ହରଭଙ୍ଗା,(୧୮/୧୧) : କାର୍ତ୍ତିକ ମାସ କୁ ପୁଣ୍ୟ ମାସ ବୋଲି ଓଡିଶା ର ପୁର ପଲ୍ଲୀ, ସହର ବଜାର, ମନ୍ଦିର, ମଠ ସବୁଠି ପାଳିତ ହେବା ସହିତ ସବୁଠି ଆଧ୍ୟାତ୍ମିକ ଭକ୍ତି ଭାବ ସୃଷ୍ଟି ହୁଏ | ଆଜି କାର୍ତ୍ତିକ ମାସ ପୁଣ୍ୟ ଚତୁର୍ଦ୍ଦଶୀ ଅବସରରେ ହରଭଙ୍ଗା ବ୍ଲକ ରାମଗଡ ପଞ୍ଚାୟତ କୋଇଲିସୂତା ମହିମା ଅଲେଖ ଆଶ୍ରମ ଠାରେ ମଠାଧିଶ ନିରଞ୍ଜନ ଦାସ ଙ୍କ ତତ୍ଵାବଧାନରେ ଅଖଣ୍ଡ ମହାମନ୍ତ୍ର ଯଜ୍ଞ ଅନୁଷ୍ଠିତ ହୋଇଯାଇଛି |
କୋଇଲିସୂତା ମହିମା ଅଲେଖ ଆଶ୍ରମ ରେ ଆଶ୍ରିତ ଥିବା ସାଧୁ ଓ ଗ୍ରାମରେ ଥିବା ଶିଷ୍ୟ ମାନେ ଆଜି ପ୍ରାତଃ କାଳରୁ ସୁଦ୍ଧ ଚିତରେ ଏହି ଅଲେଖ ମହିମା ମହାମନ୍ତ୍ର ଜପୁଥିବାର ଦେଖିବାକୁ ମିଳିଥିଲା | ମଠାଧିଶ ଙ୍କ ସୂଚନା ଅନୁଯାଇ ଆଜି ପ୍ରାତଃ ରୁ ଆସନ୍ତା କାଲି ପ୍ରାତଃ ୨୪ ଘଣ୍ଟା ଏହି ମହାମନ୍ତ୍ର ଯଜ୍ଞ ହେବା ସହିତ ସନ୍ଧ୍ୟା ସମୟରେ ମହା ଘୃତ ଯଜ୍ଞ ମଧ୍ୟ ଅନୁଷ୍ଠିତ ହୋଇଯାଇଛି |
ଏହି ଘୃତ ଯଜ୍ଞ ରେ ରାମଗଡ, ତିଲେଶ୍ୱର, ଧଳପୁର, ସାମ୍ପୋଚ ଆଦି ଅଞ୍ଚଳ ରେ ଥିବା ଭକ୍ତ ସମେତ ବୌଦ୍ଧ ଜିଲ୍ଲା ଓ ଜିଲ୍ଲା ବାହାରୁ ଭକ୍ତ ଙ୍କ ସମାଗମ ହୋଇଥିଲା | ଆଶ୍ରମ ରେ ସରକାର ଙ୍କ କୋଭିଡ ନିୟମ କୁ ସମ୍ମାନ କରି ସମସ୍ତ କାର୍ଯ୍ୟକ୍ରମ କରାଯାଉଥିବାର ସୂଚନା ଦେଇଛନ୍ତି ମଠlଧୀଶ ଶ୍ରୀ ଦାସ |
