ବାଲିଗୁଡା ୨୪/୩/୨୫(ଆପ୍ର): କନ୍ଧମାଳ ଜିଲ୍ଲା ବାଲିଗୁଡା ବନଖଣ୍ଡ କୋଟଗଡ ବନବିଭାଗ ପକ୍ଷରୁ ଶାଳ ପଟା ସହ ବୋଲେରୋ ପିକଅପ ଗାଡି ଜବତ କରିଛି | କୋଟଗଡ ବନାଞ୍ଚଳ କାର୍ଯ୍ୟାଳୟ ଅଧୀନରେ ଆସୁଥିବା ମଧୁଗୁଡା ଛକ ନିକଟରୁ କାଠ ପଟା ବୋଝେଇ ପିକଅପ ଜବତ କରିଥିବା ବେଳେ ଡ୍ରାଇଭର ଫେରାର ହୋଇ ଯାଇଛି |
ବନ ବିଭାଗ ବିଶେଷ ସୂତ୍ରରୁ ଖବର ପାଇଥିଲା ରବିବାର ଭୋର ଚାରିଟା ସମୟରେ ଘାଟି ଆଡକୁ ବନ ବିଭାଗ ଯିବାବେଳେ ମଧୁଗୁଡା ଛକ ନିକଟ କରଲାଶୁଣି ଦେବୀ ପୀଠ ନିକଟରେ ଏକ କାଠ ବୋଝେଇ ପିକଅପ ଗାଡିକୁ ଛାଡି ଦୁର୍ବୃତ୍ତମାନେ ଫେରାର ହୋଇ ଯାଇଥୂଲେ |କୋଟଗଡ ବନବିଭାଗ ରେଞ୍ଜର ବାଳ ଗୋପାଳ ବେହେରା ଙ୍କ ନେତୃତ୍ୱ ରେ ଟିମ ବନପାଳ ରବିମୋହନ ନାୟକ, ପ୍ରିୟଙ୍କା କହଁର, ଫରେଷ୍ଟ ଗାର୍ଡ ଦୀପକ ରଞ୍ଜନ ପଟନାୟକ ବିଜୟାନନ୍ଦ ସେଠୀ ବନ କର୍ମଚାରୀ ୧୧୬ ଖଣ୍ଡ ଶାଳ ପଟା ସହିତ ପିକଅପ ଗାଡି ଜବତ କରିଥିଲେ | ଉକ୍ତ କାଠ ର ଆନୁମାନିକ ମୂଲ୍ୟ ଦୁଇ ଲକ୍ଷ ଟଙ୍କାରୁ ଉର୍ଧ୍ଵ ହେବ ବୋଲି କୋଟଗଡ ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି |
