ଗୁଣପୁର, (୧/୭) : ଆପ୍ର. : କଳା ଓ ସଂସ୍କୃତିକୁ ନୃତ୍ୟ ମାଧ୍ୟମରେ ପ୍ରଦର୍ଶିତ କରିବା ପରମ୍ପରା ବହୁ ପୁରାତନ କାଳରୁ ରହିଛି ।
ଚଳିତ ବର୍ଷ ନୃତ୍ୟ ଗୁରୁ ମୋୖମିତା ବିଶ୍ଵାସଙ୍କ ଦ୍ଵାରା ସୁଦୂର କୋଲକତା, କାଲିଘାଟ ଯୋଗେଶ ମିମି ଏକାଡେମୀ ଠାରେ ଜାତୀୟ ସ୍ତରୀୟ ନୃତ୍ୟ ମେଳା – ୨୦୨୫ ର ଆୟୋଜନ ହୋଇଥିଲା । ଏହି ଜାତୀୟ ସ୍ତରୀୟ ନୃତ୍ୟ ମେଳାରେ ନୃତ୍ୟଶ୍ରୀ କଳାକେନ୍ଦ୍ର, ଗୁଣପୁରର ତିନି କୁନି ନୃତ୍ୟଶିଳ୍ପୀ ଉପାସନା ଶତପଥି , ସୁନିଧି ରଥ , ସୋନାକ୍ଷୀ ବେହେରା ଓଡ଼ିଶାର ପାରମ୍ପାରିକ ଓଡ଼ିଶୀ ନୃତ୍ୟ ପରିବେଷଣ କରି ଓଡ଼ିଶାର କଳା ଓ ସଂସ୍କୃତିକୁ ଗୈାରବାନ୍ଵିତ କରିଛନ୍ତି । ଓଡିଶୀ ନୃତ୍ୟ ଆମ ଜଗନ୍ନାଥ ସଂସ୍କୃତିର ଏକ ଅବିଚ୍ଛେଦ୍ୟ ଅଙ୍ଗ ଏଵଂ ଗନ୍ଧର୍ବ କଳା ଓ ଦେବଦାସୀ ନୃତ୍ୟ ଜଗନ୍ନାଥଙ୍କର ଅତି ପ୍ରିୟ । ଆଧୁନିକ ଯୁଗରେ ପୁରୁଣା କଳା ଓ ସଂସ୍କୃତିକୁ ଲୋକେ ଭୁଲି ଯାଉଥିବା ବେଳେ ନୃତ୍ୟଶ୍ରୀ କଳାକେନ୍ଦ୍ରର ନୃତ୍ୟଶିଳ୍ପୀ ମାନେ ଏହି ପରମ୍ପରାକୁ ଆଗେଇ ନେବାର ପ୍ରୟାସ ଅତ୍ୟନ୍ତ ପ୍ରଶଂସନୀୟ ।
କୋଲକତା ଠାରେ ଆୟୋଜିତ ଏହି ଜାତୀୟ ସ୍ତରୀୟ କାର୍ଯ୍ୟକ୍ରମରେ ଭାରତର କୋଣ ଅନୁକୋଣରୁ ନୃତ୍ୟ ଶିଳ୍ପୀ ମାନେ ଆସି ନିଜ ନିଜ ପ୍ରଦେଶର ପାରମ୍ପାରିକ ନୃତ୍ୟ ପରିବେଷଣ କରିଥିଲେ । ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ଗୈାତମ ଦେ (ରିଜୋନାଲ ଡାଇରେକ୍ଟର ଆଇ ସି ସି ଆର , କୋଲକତା) , ଅଭିଜ୍ଞାନ ମୁଖାର୍ଜୀ (ଟଲିଉଡ୍ ଫିଲ୍ମ୍ ଡାଇରେକ୍ଟର), ଵାହାରୁଦ୍ଦିନ ସାହା ( ଏଡ଼ିଟର ଇନ୍ ଚିଫ୍, ଆରମ୍ଭ ପଵ୍ଲିସରସ୍), ଗୁରୁ ମୈାମିତା ବିଶ୍ଵାସ ଓ ବହୁ ନୃତ୍ୟ ଗୁରୁ, ବଙ୍ଗଳା ଅଭିନେତା ଓ ବେସନ ଡିଜାଇନର ଉପସ୍ଥିତ ରହି ନୃତ୍ୟ ଶିଳ୍ପୀ ମାନଙ୍କ ନୃତ୍ୟ ଶୈଳୀ କୁ ପ୍ରଶଂସା କରିଥିଲେ ।
ନୃତ୍ୟଶ୍ରୀ କଳାକେନ୍ଦ୍ରର କୁନିକୁନି ନୃତ୍ୟଶିଳ୍ପୀ ମାନଙ୍କ ଓଡିଶୀ ନୃତ୍ୟ ପରିବେଷଣକୁ ଅତିଥି ମାନେ ପ୍ରଶଂସା କରିବା ସହ ଟ୍ରଫି ଓ ମାନପତ୍ର ଦେଇ ସମ୍ମାନିତ କରିଥିଲେ । ଅଭିଭାବକ ମାନଙ୍କ ଦାୟିତ୍ଵ ଓ ସହଯୋଗ ଏଵଂ ଗୁରୁ ଡ଼ଃ ରିନା ରାଣୀ ସାହୁ ଙ୍କ ତତ୍ବାବଧାନରେ ଓଡ଼ିଶାର କଳା ଓ ସଂସ୍କୃତିକୁ ଓଡିଶୀ ନୃତ୍ୟ ମାଧ୍ୟମରେ ପ୍ରଚାର ପ୍ରସାର କରିବାର ପ୍ରୟାସକୁ ବୁଦ୍ଧିଜୀବି ମାନେ ପ୍ରଶଂସା କରିଛନ୍ତି ।
