ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଗଞ୍ଜାମ, (୦୨/୦୬) : ଶ୍ରୀ ଲକ୍ଷ୍ମୀ ନୃସିଂହ ସ୍ଵାମୀଙ୍କ କୋହଲା ଯାତ୍ରା ପ୍ରତିବର୍ଷ ଅନୁଷ୍ଠିତ ହୋଇଥାଏ। ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ଅନ୍ତର୍ଗତ ବଣବୁଲ୍ଲାପଲ୍ଲୀ ଗାଁରେ ପ୍ରତିବର୍ଷ ଏହି ଠାକୁରାଣୀ ଯାତ୍ରା ଅନୁଷ୍ଠିତ ହୋଇଥାଏ ।
ଏହି ଯାତ୍ରାରେ ଗୁରୁ ସତ୍ୟମ୍ ଙ୍କ ଦ୍ଵାରା କୋହଲା ନୃତ୍ୟ ପ୍ରଦର୍ଶିତ ହୋଇଥାଏ। ଯାହାକୁ ଦେଖିବାକୁ ଅଗଣିତ ଭକ୍ତଙ୍କର ଭିଡ ଜମିଥାଏ। ଏହି ଯାତ୍ରା ମହୋତ୍ସବରେ ଶ୍ରୀ ଶ୍ରୀ ଲକ୍ଷ୍ମୀ ନୃସିଂହ କାମିନୀ ସତ୍ୟମ୍ ସେବା ନୃତ୍ୟ କଳା କେନ୍ଦ୍ର ଏଥିରେ ଅଂଶ ଗ୍ରହଣ କରି ଉଚ୍ଚ ପ୍ରଶଂସିତ ହୋଇ ସମ୍ୱର୍ଦ୍ଧିତ ହୋଇଥିଲା । କୋହଲା ନୃତ୍ୟ ପ୍ରଦର୍ଶନରେ ଦର୍ଶକ ମାନେ ଭାବ ବିହ୍ୱଳ ହୋଇପଡୁଥିଲେ । ସମସ୍ତ ଗ୍ରାମବାସୀ ରାତି ସାରା ପ୍ରଭୁ ଶ୍ରୀହରିଙ୍କୁ ଆରାଧନା କରିବା ସହ ଶ୍ରୀ ଶ୍ରୀ ଲକ୍ଷ୍ମୀ ନୃସିଂହଙ୍କ ନାମ ଜପକରି ନିଜ ନିଜକୁ ତାଙ୍କ ନିକଟରେ ସମର୍ପି ଦେଇଥିଲେ। ଯାହାକି ଏକ ନିଆରା ପରମ୍ପରା ସୃଷ୍ଟି କରିଥିଲା ।
ତେବେ ଦକ୍ଷିଣ ଭାରତରେ ପ୍ରଚଳିତ ବୈଷ୍ଣବ ଧର୍ମ ପରମ୍ପରାରେ ଏହି ସେବାୟତ ଦଳଙ୍କ ଦ୍ଵାରା ପରିଚାଳିତ ଦାସୁଡୁ ନୃତ୍ୟ ଏକ ମହାନ୍ ପରମ୍ପରା ସୃଷ୍ଟି କରିଥାଏ । ଠାକୁରଙ୍କର ଏହି ଆଧ୍ୟାତ୍ମିକ କାର୍ଯ୍ୟକ୍ରମ, ବ୍ରହ୍ମ ଉତ୍ସବ ଓ ବଡ଼ ବଡ଼ ଉତ୍ସବାନୁଷ୍ଠାନ ମାନଙ୍କରେ ଏହି ନୃତ୍ୟ ପରିବେଷଣ କଲେ ଠାକୁର ପ୍ରସନ୍ନ ହୁଅନ୍ତି ବୋଲି ବିଶ୍ୱାସ ରହିଛି । ଓଡିଶାରେ ପ୍ରଚଳିତ ଥିବା ବହୁ ବୈଷ୍ଣବ ସମ୍ମତ ଦେବସ୍ଥାନ ମାନଙ୍କରେ ମଧ୍ୟ କୋହଲା ବା ମଶାଲ ଜାଳି ଶ୍ରୀ ଲକ୍ଷ୍ମୀ ନୃସିଂହଙ୍କର ଦlସୁଡୁ ନୃତ୍ୟ ଅଦ୍ୟାବଧି ପ୍ରଚଳିତ ରହିଛି ।
