କାଶୀନଗର, (୦୨/୦୫) : ଆପ୍ର. : ସ୍ଥାନୀୟ ଫ୍ରେଣ୍ଡ୍ସ କ୍ରିକେଟ୍ କ୍ଲବ୍ ଦ୍ୱାରା ଆୟୋଜିତ କ୍ରିକେଟ୍ ଟୁର୍ଣ୍ଣାମେଣ୍ଟ ଶୁକ୍ରବାର ଦିନ ଉଦ୍ ଯାପିତ ହୋଇ ଯାଇଛି ।
ଏପ୍ରିଲ୍ ୨୦ରୁ ବାରାଣାସୀ ସରକାରୀ ହାଇସ୍କୁଲ ଖେଳ ପଡିଆରେ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଣ୍ଟରେ ୬ଟିମ୍ ଭାଗ ନେଇଥିଲେ । ଫାଇନାଲ ମ୍ୟାଚ୍ ମେନପୁଲ୍ ସୁପରକିଂଗ୍ସ ଓ ପି ଏଚ୍ ଏସ୍ ଚାଲେଞ୍ଜର୍ସ ମଧ୍ୟରେ ଖେଳା ଯାଇଥିବା ବେଳେ ପ୍ରଥମୋକ୍ତ ଟିମ୍ ବିନର ଓ ଦ୍ଵିତୀୟୋକ୍ତ ଟିମ୍ ରନର୍ସଅପ୍ ହୋଇଥିବା ଜଣା ପଡିଛି . ଭି . ମଣିକଣ୍ଠା ଓ ଏସ୍ . ଶିବାଜୀଙ୍କୁ ଯଥାକ୍ରମେ ମ୍ୟାନ୍ ଅଫ୍ ଦ ସିରିଜ ଓ ମ୍ୟାନ ଅଫ୍ ଦ ମ୍ୟାଚ୍ ଘୋଷଣା କରା ଯାଇଛି ।
ଏ ଉପଲକ୍ଷେ ଅନୁଷ୍ଠିତ ସମାରୋହରେ ମୁଖ୍ୟ ଅତିଥି ଭାବେ ପାରଳାଖେମୁଣ୍ଡି ବିଧାୟକ ରୂପେଶ ପାଣିଗ୍ରାହୀ ଓ ସମ୍ମାନିତ ଅତିଥି ରୂପେ ଜିଲ୍ଲା ପରିଷଦ ଅଧ୍ୟକ୍ଷ ଜି. ତିରୁପତ୍ତି ରାଓ, ଥାନା ଅଧିକାରୀ ସୁନୀଲ କୁମାର ବେହେରା , ତହସିଲଦାର ସୁଧୀର କୁମାର ନନ୍ଦ ପ୍ରମୁଖ ମଂଚାସୀନ ହୋଇ ବିନର ଟିମକୁ ୪୫୦୦୦ ଓ ରନର୍ସଅପ ଟିମକୁ ୩୦୦୦୦ ଟଙ୍କାର ଚେକ୍ ପ୍ରଦାନ କରିଥିଲେ । ବରିଷ୍ଠ ନାଗରିକ କେ . ରାମା ରାଓ ଓ କାରିମି ମଧୁ ମଞ୍ଚରେ ଉପସ୍ଥିତ ଥିଲେ ।
