ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୧୪/୦୨) : ମୁରିବାହାଲ ମଣ୍ଡଳ ଅଧିନସ୍ଥ ଆଞ୍ଚଳିକ ସାଧନ କେନ୍ଦ୍ର ସିରୋଲ କ୍ଲଷ୍ଟର୍ ସ୍ତରୀୟ ନିପୁଣ ଓଡି଼ଶା ମେଳା ୨୦୨୫ କାର୍ଯ୍ୟକ୍ରମ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ସିରୋଲ ଠାରେ ଶୁକ୍ରବାର ପ୍ରଦର୍ଶିତ ହୋଇଯାଇଛି l
ଅନୁଷ୍ଠିତ କାର୍ଯ୍ୟ କ୍ରମରେ କ୍ଲଷ୍ଟର୍ ଅଧିନସ୍ଥ ସମସ୍ତ ୧୫ ଗୋଟି ବିଦ୍ୟାଳୟର ଏଫଏଲଏନ ଗ୍ରେଡ଼ (ପ୍ରଥମ, ଦ୍ଵିତୀୟ ଓ ତୃତୀୟ ଶ୍ରେଣୀର) ପ୍ରତିଯୋଗୀ ଛାତ୍ର ଛାତ୍ରୀ ନିଜ ନିଜର ମୌଳିକ ସାକ୍ଷରତା ଏବଂ ସଂଖ୍ୟା ଜ୍ଞାନ ଆଧାରିତ ଟିଏଲଏମ ଗୁଡି଼କ ତିଆରି କରି ଆଣି ବିଭିନ୍ନ ଷ୍ଟଲ୍ ମଧ୍ୟରେ ସଜାଇ ପ୍ରଦର୍ଶନ କରି ଅଂଶ ଗ୍ରହଣ କରିଥିଲେ l
ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ସୁଧୀର୍ କୁମାର ନାଗ୍ ଙ୍କ ସଭାପତିତ୍ୱରେ ମୁଖ୍ୟ ଅତିଥି ରୂପେ ତେନ୍ତୁଳୀଖୁଣ୍ଟି ନୋଡାଲ୍ ଉଚ୍ଚ ବିଦ୍ୟାଳୟର ପରିଚାଳନା କମିଟି ସଭାପତି ଅନଙ୍ଗ ବେହେରା, ସମ୍ମାନୀୟ ଅତିଥି ଭାବେ ସିରୋଲ୍ ଉନ୍ନୀତ ଉଚ୍ଚ ବିଦ୍ୟାଳୟର ବରିଷ୍ଠ ଶିକ୍ଷକ ଶ୍ୟାମ ସୁନ୍ଦର ପଧାନ୍, ବରିଷ୍ଠ ଶିକ୍ଷୟିତ୍ରୀ ଆନନ୍ଦିନୀ ଥନାପତି, ଆଲୁମ୍ନି କମିଟି ସଭାପତି ରୂପଧର୍ ବଗର୍ତି, ବେଲପଦର୍ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ରମଣୀ ସାହାଣୀ, ପ୍ରାଥମିକ ବିଦ୍ୟାଳୟ ଟିକ୍ରାପଡ଼ାର ପ୍ରଧାନ ଶିକ୍ଷକ ନରସିଂହ ସାହୁ ମଞ୍ଚାସିନ ଥିଲେ I କ୍ଲଷ୍ଟର ଅଧିନସ୍ତ ସମସ୍ତ ୧୫ ଟି ବିଦ୍ୟାଳୟର ଗାଇଡ଼ ଶିକ୍ଷକ ଶିକ୍ଷୟିତ୍ରୀ, ଅଭିଭାବକ/ଅଭିଭାବିକା ଯୋଗ ଦେଇଥିଲେ l
ସିରୋଲ୍ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଏବଂ ଷ୍ଟାଫ୍ ପ୍ରମୁଖ ଉପସ୍ଥିତ ଥିଲେ l କାର୍ଯ୍ୟକ୍ରରେ ଅଂଶଗ୍ରହଣ କରିଥିବା ସମସ୍ତ ପ୍ରଥମ, ଦ୍ଵିତୀୟ ଓ ତୃତୀୟ ଶ୍ରେଣୀର ଛାତ୍ର ଛାତ୍ରୀଙ୍କ ପ୍ରୋତ୍ସାହନ ନିମନ୍ତେ ସମସ୍ତଙ୍କୁ ଖାତା ଓ ପେନସିଲ୍ ପ୍ରଦାନ କରାଯାଇଥିଲା l ସହକାରୀ ଶିକ୍ଷକ ଜଗଦୀଶ ସୁନା ଭୋଜନ ବ୍ୟବସ୍ଥା ତୁଲାଇଥିଲେ l ସହକାରୀ ଶିକ୍ଷକ ଲିଲୁ ମୋହନ ପଧାନ ସଂଯୋଜନା କରିଥିବାବେଳେ ଶ୍ରୀ ନାଗ ଧନ୍ୟବାଦ ଅର୍ପଣ କରିଥିଲେ l
