ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଗଞ୍ଜାମ, (୦୪/୦୫) : ଖଲ୍ଲିକୋଟ ନିର୍ବାଚନ ମଣ୍ଡଳୀ ଅନ୍ତର୍ଗତ ପୁରୁଷୋତ୍ତମପୁର ବ୍ଲକର ୧୫ ଗୋଟି ପଞ୍ଚାୟତ ମଧ୍ୟରୁ ୧୨ ଗୋଟି ପଞ୍ଚାୟତର ସରପଞ୍ଚ, ସମିତି ସଭ୍ୟ, ସଭ୍ୟା ମାନେ ଶୁଣିବାକୁ ପାଇଲେ ଯେ ନିର୍ବାଚନ ମଣ୍ଡଳୀ ପରିଚାଳନା ପାଇଁ ୧୫ ଜଣିଆ କମିଟି ଗଠନ କରା ଯାଇଛି, ଯେଉଁ କମିଟିର ଅଧ୍ୟକ୍ଷ ସାକେତ ରାମା ରାଓ ଓ ବ୍ରହ୍ମପୁର ବିଜେଡି ସାଂସଦ ଚନ୍ଦ୍ର ଶେଖର ସାହୁଙ୍କ ତତ୍ୱାବଧାନରେ ଅନୁଷ୍ଠିତ କରା ଯାଇଛି ।
ଏହି ଘଟଣା ଶୁଣିଲା ପରେ ଏବଂ କମିଟି ଗଠନରେ ଅଣ ଦେଖା କରା ଯାଇଥିବାରୁ ୧୨ ଗୋଟି ପଞ୍ଚାୟତ ର ସରପଞ୍ଚ, ସମିତିସଭ୍ୟ, ସଭ୍ୟା ମାନେ ଏକତ୍ରିତ ହୋଇ ତାରା ତାରିଣୀ ମନ୍ଦିର ତଳ ନିରୁପମା ହୋଟେଲ ରେ ଏକ ଜରୁରୀ ବୈଠକ କରିଥିଲେ । ସେମାନଙ୍କ କହିବା କଥା ପୁରୁଷୋତ୍ତମପୁର ବ୍ଲକର ସମସ୍ତ ଜନପ୍ରତିନିଧି ମାନଙ୍କୁ କଣ ଠେସା କରି ଏହି କମିଟି ଗଠନ କରାଯାଇଛି । ତେଣୁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟନାୟକ 5T ଅଧ୍ୟକ୍ଷ ଭିକେ ପାଣ୍ଡିଆନ, ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାଶ, ଓ ରାଜ୍ୟ ସଭା ସାଂସଦ ମାନସ ମଙ୍ଗରାଜ ଏହାଉପରେ ଗୁରୁତ୍ୱ ଦେଇ ଏହାର ପୁର୍ନବି ଚାର କରିବାକୁ ଅନୁରୋଧ କରି ଛନ୍ତି । ଏହା ସହ ଖଲ୍ଲିକୋଟ ବିଧା ୟିକା ପାର୍ଥୀ ସୂର୍ଯ୍ୟ ମଣୀ ବୈଦ୍ୟଙ୍କୁ ହିଁ ଏହାର ଦାୟିତ୍ୱ ଦିଅନ୍ତୁ ଆମେ ସମସ୍ତ ଜନ ପ୍ରତିନିଧି ତାଙ୍କ ସହ ରହି କାମ କରିବୁ । ଯଦି ଏହା ନହୁଏ ତେବେ ସମସ୍ତେ ପୁଣି କିଛି ପରବର୍ତ୍ତୀ କାର୍ଯ୍ୟ ପନ୍ଥା ଗ୍ରହଣ କରିବୁ ବୋଲି ବୈଠକ ରେ କହିଛନ୍ତି ।
