ରିପୋର୍ଟ : ବିଭୂତି ଲହରିଆ
ବାଲିଗୁଡା, (୧୭/୨)ଗଞ୍ଜେଇ ମାଫିଆ ଙ୍କ ଘର ବାରି ପଟ ମାଟିତଳୁ ୧୧୭ କେଜି ଗଂଜେଇ ଜବତ କରିଛି ବାଲିଗୁଡା ପୋଲିସ l
ଗଞ୍ଜେଇ ମାଫିଆ ଜଣକ ଦୀର୍ଘ ଦିନ ହେବ ପଶ୍ଚିମବଙ୍ଗ, ଝାଡ଼ଖଣ୍ଡ ଭଳି ବିଭିନ୍ନ ରାଜ୍ୟର ଗଂଜେଇ ଚାଲାଣକାରୀ ଙ୍କ ସହ ନେଟୱର୍କ ରଖି ଡିଲ କରୁଥିବା ବାଲିଗୁଡା ପୋଲିସ ବିଶେଷ ସୂତ୍ର ରୁ ଖବର ପାଇଥିଲା l ବାଲିଗୁଡା ଏସଡ଼ିପିଓ ରମେନ୍ଦ୍ର ପ୍ରସାଦ ଙ୍କ ନେତୃତ୍ୱ ରେ ଏକ ଟିମ ଗଂଜେଇ ମାଫିଆ ର ଗାଁ ବାଲିଗୁଡା ଥାନା ପରମପାଙ୍ଗା ପଂଚାୟତ ର ଇସରାଇଲ ନଗର ରେ ଚଢ଼ାଉ କରିଥିଲା l ଚଢ଼ାଉ ସମୟରେ ଗଂଜେଇ ମାଫିଆ ଓ ତାଙ୍କ ଭାଇ ପୋଲିସ କୁ ଦେଖି ଗାଁ ନିକଟସ୍ଥ ଜଙ୍ଗଲ କୁ ଦୌଡ଼ି ପଳାଇଥିଲେ l ତେବେ ଇସରାଇଲ ନଗର ଗାଁ’ର ଗଂଜେଇ ମାଫିଆ ପୂଜୁରା ଦିଗାଲ କୁ ପୋଲିସ ଗିରଫ କରିବା ରେ ସଫଳ ହୋଇଥିବା ବେଳେ ତାର ଭାଇ ପାଉଲ ଦିଗାଲ ଫେରାର ହେବା ରେ ସକ୍ଷମ ହୋଇଛି l
ତେବେ ଗିରଫ ଅଭିଯୁକ୍ତ ରାଜ୍ୟ ବାହାରେ ଗଞ୍ଜେଇ ଚାଲାଣ କରିବା ସହ ଦୀର୍ଘ ଦିନ ହେବ ଏକ ବଡ଼ ନେଟୱର୍କ ଚଳାଇ ଆସୁଥିବା ପ୍ରେସମିଟ ଜରିଆରେ ବାଲିଗୁଡା ଏସଡ଼ିପିଓ ରମେନ୍ଦ୍ର ପ୍ରସାଦ ସୂଚନା ଦେଇଛନ୍ତି l ତେବେ ବାଲିଗୁଡା ଥାନା ଅଂଚଳ ରୁ ଅଭିଯୁକ୍ତର ପଶ୍ଚିମବଙ୍ଗ ଓ ଝାଡ଼ଖଣ୍ଡ ପରି ବାହାର ରାଜ୍ୟ ର ଲିଙ୍କ ନେଇ ଅଧିକ ତଦନ୍ତ ଜାରୀ ରହିଥିବା ବାଲିଗୁଡା ଏସଡ଼ିପିଓ ସୂଚନା ଦେଇଛନ୍ତି l
