ଯାଜପୁର, (୨୮/୦୩) : ଆପ୍ର. : ଯାଜପୁର ଜିଲ୍ଲା ଗଡ଼ମଧୁପୁର ରେଳ ଷ୍ଟେସନ ନିକଟରେ ଘଟିଛି ଅଘଟଣ । ଆଜି ସକାଳେ ଓଡ଼ିଶାର ଯାଜପୁର ଜିଲ୍ଲାର ଗଡ଼ ମଧୁପୁର ରେଳ ଷ୍ଟେସନ ନିକଟରୁ ଜଣେ ବ୍ୟକ୍ତିଙ୍କ ମୃତଦେହ ମିଳିଥିବା ବେଳେ ତାଙ୍କ ତିନି ବର୍ଷର ଝିଅକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି ।
ଏହି ଦୁର୍ଘଟଣାରେ ବାପା ମୃତ, ୩ବର୍ଷର ଝିଅ ଗୁରୁତର । ମୃତ ବ୍ୟକ୍ତି ଜଣକ ଯାଜପୁର ଜିଲ୍ଲାର ପୁରୁଣା ବଉଳାମାଳା ପଞ୍ଚାୟତ ଅନ୍ତର୍ଗତ ଠାକୁରା ଗ୍ରାମର ଅମୀୟ ବେହେରା ବୋଲି ଚିହ୍ନଟ ହୋଇଛି। ଗୁରୁତର ଆହତ ଝିଅଟି ତାଙ୍କ ଝିଅ ବୋଲି ଜଣା ପଡିଛି । ସୂଚନା ଅନୁଯାୟୀ, ଅମୀୟ ବେହେରା ଏବଂ ତାଙ୍କ ୩ ବର୍ଷର ଝିଅକୁ ଗଢ଼ ମଧୁପୁରର ରେଳ ଷ୍ଟେସନ ପରିସରରୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଧର୍ମଶାଳା ମେଡିକାଲ କଲେଜରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ଅମିୟଙ୍କୁ ମୃତ ଘୋଷଣା କରିଥିଲେ। ଡାକ୍ତରଖାନାରେ ଛୋଟ ଝିଅଟିର ଚିକିତ୍ସା ଚାଲିଛି । ବାପା-ଝିଅଙ୍କ ଅବସ୍ଥା କୌଣସି ଦୁର୍ଘଟଣା ଯୋଗୁଁ ହୋଇଛି ନା ସେମାନେ କୌଣସି ଅପରାଧର ଶିକାର ହୋଇଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ପୋଲିସର ଘଟଣାର ତଦନ୍ତ ଚଳାଇଛି ।
