ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
କେନ୍ଦ୍ରାପଡା, (୦୨/୦୬) : ନିର୍ବାଚନୀ ହିଂସା ରେ ଚାଲିଗଲା ବୃଦ୍ଧ ଙ୍କ ଜୀବନ। ଗାଡି ଚଢାଇ ହତ୍ୟା କଲେ ବିଜେଡି କର୍ମୀ । ଦିନରେ ପୁଅ କୁ ଆକ୍ରମଣ, ସନ୍ଧ୍ୟାରେ ବାପା ଙ୍କୁ ହତ୍ୟା ।
ବୃଦ୍ଧ ଜଣକ ହେଲେ କେନ୍ଦ୍ରାପଡା ଜିଲ୍ଲା ପାଟକୁରା ନିର୍ବାଚନ ମଣ୍ଡଳୀ ର କୁଦାନଗରୀ ଥାନା ଅନ୍ତର୍ଗତ ଜମପଡା ପଂଚାୟତର ଗୌଡ଼ଗାଁ ର ପୁରୁଷୋତ୍ତମ ସ୍ୱାଇଁ । ପୁରୁଷୋତ୍ତମ ଙ୍କ ପୁଅ କୁଞ୍ଜବନ ସ୍ୱାଇଁ ବିଜେପି ପଞ୍ଚାୟତ ସଭାପତି ହୋଇଥିବାରୁ ପୂର୍ବରୁ ଅନେକ ଥର ବିଜେଡି ର ଆକ୍ରୋଶର ଶିକାର ହୋଇଥିଲେ । ଆଜି ଦିନରେ ବୁଥ ନିକଟରେ ବିଜେଡି କର୍ମୀ ମାନେ କୁଞ୍ଜବନଙ୍କୁ ମରଣାତ୍ମକ ଆକ୍ରମଣ କରିଥିଲେ ।
ଭୋଟିଙ୍ଗ ସରିଲା ପରେ ଆଜି ସନ୍ଧ୍ୟାରେ ପୁରୁଷୋତ୍ତମ ନିଜ ଘର ପାଖରେ ଛିଡା ହୋଇଥିବା ସମୟରେ ବିଜେଡି କର୍ମୀ ଅମର ପରିଡା ସ୍ପିଡ଼ ରେ ମଟରସାଇକେଲ କୁ ପୁରୁଷୋତ୍ତମ ଙ୍କ ଉପରେ ଚଢାଇ ଦେଇଥିଲେ । ପ୍ରଥମେ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟ ଏବଂ ପରେ କଟକ ବଡ଼ ଡାକ୍ତରଖାନା ସ୍ଥାନାନ୍ତର ହେଲା ବେଳେ ପୁରୁଷୋତ୍ତମ ଙ୍କ ମୃତୁ ଘଟିଥିଲା । ଡାକ୍ତରଖାନା ରେ ପହଁଚି ବିଜେଡି ର ଏଭଳି ହିଂସାତ୍ମକ ଆଚରଣ କୁ ଦୃଢ଼ ନିନ୍ଦା କଲେ ପାଟକୁରା ବିଧାୟକ ପ୍ରାର୍ଥୀ ତେଜେଶ୍ୱର ପରିଡା । ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ସହ ମୃତ ପରିବାର କୁ ନ୍ୟାୟ ମିଳିବା ଦରକାର ବୋଲି ନିର୍ବାଚନ ଆୟୋଗ ନିକଟରେ ଦାବି କଲେ ।
