ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
କେନ୍ଦୁଝର, (୨୬/୦୮) : କେନ୍ଦୁଝର ଜିଲ୍ଲା ଘଷିପୁରା ଥାନା ଅନ୍ତର୍ଗତ ଟୋଲଙ୍କପଡା ଗାଁ’ରେ ଗାଡି ସାଇଡ୍ ମରାକୁ କେନ୍ଦ୍ର କରି ଜଣେ ଅଟୋ ଚାଳକଙ୍କୁ ମରଣାତ୍ମକ ଆକ୍ରମଣ ହୋଇଥିବା ଅଭିଯୋଗ ହୋଇଛି ।
ଟୋଲଙ୍କପଡା ଗ୍ରାମର ଆଲୋକ ସାହୁ ଅଟୋରେ ବେଲବାହାଳିରୁ ଗୋଖାଦ୍ୟ ଧରି ଯାଉଥିଲେ । ତେବେ ବାଟରେ ଗାଡ଼ି ସାଇଡ ମରାକୁ ନେଇ ଅନାଦି ଜେନା ନାମକ ଜଣେ ବାଇକ୍ ଆରୋହୀଙ୍କ ସହିତ ତାଙ୍କର ବଚସା ହୋଇଥିଲା । ଯୁକ୍ତିତର୍କ ମଧ୍ୟରେ ଉତ୍କ୍ଷିପ୍ତ ଅନାଦି ଜେନା ଏକ ଛୁରୀରେ ଅଟୋ ଟ୍ରାଇଭର ଆଲୋକ ସାହୁଙ୍କୁ ଆକ୍ରମଣ କରିଥିଲେ । ଫଳରେ ସେ ଗୁରୁତର ହୋଇପଡ଼ିଥିଲେ । ସ୍ଥାନୀୟ ଲୋକଙ୍କ ସହଯୋଗରେ ତାଙ୍କୁ ଘଷିପୁରା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ତେବେ ଅଲୋକଙ୍କ ସ୍ୱାସ୍ଥ୍ୟବସ୍ଥା ଅଧିକ ଗୁରୁତର ହେବାରୁ ତାଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାଯାଇଛି । ଘଷିପୁରା ପୁଲିସ ଘଟଣାର ତଦନ୍ତ କରୁଛି ।
