ଗୁଣପୁର, (୧୧/୬) : ଆପ୍ର. : ଗୁଣପୁର ପୌରପରିଷଦ ହେବା ଦିନଠାରୁ ସହରର ଉନ୍ନତି ଅପେକ୍ଷା ଦୁର୍ନୀତି ବହୁ ମାତ୍ରାରେ ବୃଦ୍ଧି ପାଇଥିବା ଦେଖିବାକୁ ମିଳିଛି ।
ସରକାରୀ ବାବୁମାନେ ସିଧାସଳଖ ଲାଞ୍ଚ ନନେଇ ଆଉଟ୍ ସୋର୍ସିଙ୍ଗ କର୍ମଚାରୀଙ୍କୁ ହାତ ବାରିସି କରି ରଖିଛନ୍ତି । ଗୁଣପୁର ପୌରପରିଷଦ ର ଏଭଳି ଜଣେ ଦଲାଲ୍ ହେଉଛି ଦାମୋଦର ମୁଗୁଲିପୁରି । ଗୁଣପୁର ପୈାର ପରିଷଦରେ ଜଣେ ଆଉଟ୍ ସୋର୍ସିଙ୍ଗ କର୍ମଚାରୀ ଭାବେ ଦୀର୍ଘ ଚାରିବର୍ଷ ହେବ କାର୍ଯ୍ୟ କରୁଛନ୍ତି । ଗୁଣପୁର ପୌରପରିଷଦ ର ବଡ ଆରସିଙ୍ଗଗୁଡା, ୱାର୍ଡ ନମ୍ବର ୧୭ର ସମସ୍ତ ଦାୟିତ୍ବ ବାବୁ ଜଣକ ତୁଲାଇଥାନ୍ତି ।
ୱାର୍ଡ ବାସୀଙ୍କ କହିବା ମୁତାବକ ପ୍ରତି କାର୍ଯ୍ୟରେ ଲାଞ୍ଚ ନେଵା ଦାମୋଦର ବାବୁଙ୍କ ପେଷା ଓ ନିଶା । ରାସନ କାର୍ଡ ପାଇଁ ୩୦୦୦, ସୁଭଦ୍ରା ଯୋଜନା ପାଇଁ ୫୦୦୦, ପେନସନ ପାଇଁ ୩୦୦୦, ଆବାସ ଯୋଜନା ପାଇଁ ୫୦୦୦୦ ଏଭଳି ଶୁଳ୍କ ସ୍ଥିର କରିଛନ୍ତି ଦାମୋଦର ବାବୁ । ଟଙ୍କା ନଦେଲେ କାମ ହେବନାହିଁ ବୋଲି ରୋକ ଠୋକ ମନା କରିଦେଉଥିବା ଗ୍ରାମବାସୀ ଅଭିଯୋଗ କରିଛନ୍ତି । ଅଗଷ୍ଟ -୨୦୨୪ ମସିହାରେ ଦିଆଯାଇଥିବା ବିଧବା ଭତ୍ତା, ବିକଳାଙ୍ଗ ଭତ୍ତା, ବାର୍ଦ୍ଧକ୍ୟ ଭତ୍ତା ଦରଖାସ୍ତ ସବୁ ଟଙ୍କା ନଦେବାରୁ ଆଜି ପର୍ଯ୍ୟନ୍ତ ହୋଇପାରିନି । ଅଫିସରେ ଗ୍ରାମବାସୀ ପାଟିତୁଣ୍ଡ କରିବା ପରେ ବାବୁ ଜଣକ ଦରଖାସ୍ତ ଫେରାଇ ଦେବା କଥା ଗ୍ରାମବାସୀ କହିଛନ୍ତିି ।
ବାବୁ ଜଣକ ବଡ଼ ଆରସିଙ୍ଗଗୁଡା ଗ୍ରାମରେ ଶୌଚାଳୟ ଦୁର୍ନୀତି, ମୁକ୍ତା ଯୋଜନା ଦୁର୍ନୀତିରେ ସାମିଲ୍ ଥିବା ଗ୍ରାମବାସୀ ଅଭିଯୋଗ କରିଛନ୍ତି । ବିଶେଷ କରି ବଡ଼ ଆରସିଙ୍ଗଗୁଡା ଗ୍ରାମର ୬ ଟି ଆବାସ ଘର ବାବଦରେ ଦାମୋଦର ବାବୁ ଏକ ଲକ୍ଷ ଟଙ୍କା ଲେଖାଏଁ ନେଇଥିବା ଗ୍ରାମବାସୀ କହିଛନ୍ତିି । ଟଙ୍କା ଦେଇ ନପାରିଲେ ଏଟିଏମ୍ କାର୍ଡ ନେଇ ଟଙ୍କା ଉଠାନ୍ତି ଦାମୋଦର ବାବୁ । ଯଦି ରାସ୍ତା, ପାଣି, ବିଜୁଳି, ଶୌଚାଳୟ, ଘର ଏପରି ମୌଳିକ ସୁବିଧା ପାଇଁ ଲାଞ୍ଚ ଦେବାକୁ ପଡେ, ତେବେ ସରକାରଙ୍କ ଯୋଜନା ସବୁ କାହାପାଇଁ ବୋଲି ଗ୍ରାମବାସୀ ପ୍ରଶ୍ନ କରିଛନ୍ତି ।
ଯଥାଶୀଘ୍ର ଏଭଳି ଦୁର୍ନୀତି ଗ୍ରସ୍ତ କର୍ମଚାରୀ କୁ ପୌରପରିଷଦରୁ ବାହାର କରିବାକୁ ବଡ଼ ଆରସିଙ୍ଗଗୁଡା ଗ୍ରାମଵାସୀ ଦାବି କରିଛନ୍ତି, ନଚେତ ଆଗାମୀ ଦିନରେ ପୌରପରିଷଦ ଘେରାଉ କରିବାକୁ ଚେତାବନୀ ଦେଇଛନ୍ତି । ଆମେ ଦାମୋଦର ବାବୁଙ୍କ କେଳେଙ୍କାରୀ ବିଷୟରେ ପୈାର ନିର୍ବାହୀ ଅଧିକାରୀ ସନ୍ତୋଷ କୁମାର ନାୟକ ଙ୍କୁ ଅବଗତ କରାଇଥିଲୁ । ନିର୍ବାହୀ ଅଧିକାରୀ ତଦନ୍ତ କରି ଉଚିତ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଥିଲେ । ଆଗାମୀ ଅଧ୍ୟାୟର ଦାମୋଦର ବାବୁଙ୍କ ଆଉକିଛି ଦୁର୍ନୀତି ଲୋକଲୋଚନକୁ ଆଣିବୁ ।
