ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୩୦/୧୨) : ଜଗତର ନାଥ ଜଗନ୍ନାଥ ଧାମ ପୁରୀ, ଅନ୍ନପୂର୍ଣ୍ଣା ଥିଏଟରରେ ସଂସ୍କୃତି ମନ୍ତ୍ରଣାଳୟ ଦ୍ଵାରା ଆନ୍ତର୍ଜାତିକ ଶାସ୍ତ୍ରୀୟ ନୃତ୍ୟ ଉତ୍ସବ ଅନୁଷ୍ଠିତ ହୋଇଯାଇଛି ।
ମୂଖ୍ୟ ଅତିଥି ଭାବେ ଉପେନ୍ଦ୍ର କୁମାର ଶର୍ମା (ଭାରତୀୟ ସାଂସ୍କୃତିକ ଶାଖାର ସଭାପତି), ସାଗର ମହାନ୍ତି ( ସୁନାମଧନ୍ୟ ଆର୍କିଟେକଚର ବା ଏ ଯୁଗର ବିଶ୍ଵକର୍ମା) ଓ ରାମ ପ୍ରସାଦ ମହାନ୍ତି (ନାଟ୍ୟ ନିର୍ଦ୍ଦେଶକ, ଲେଖକ, ସଙ୍ଗୀତ ନିର୍ଦ୍ଦେଶକ) ମଞ୍ଚାସିନ ଥିଲେ । ଆମ ଦେଶର କୋଣ ଅନୁକୋଣରେ ସଙ୍ଗୀତ ଓ ନୃତ୍ୟ ଭରି ରହିଛି । ଆମ ଦେଶର ସଭ୍ୟତା ଯେତିକି ପୁରୁଣା ଏଠାର ସଙ୍ଗୀତ ଓ ନୃତ୍ୟ ସେତିକି ପୁରୁଣା । ସମାଜରେ ପ୍ରଚଳିତ ପରମ୍ପରା ଓ ବିଭିନ୍ନ ଭାଵରୁ ନୃତ୍ୟର ସୃଷ୍ଟି । ଵେଦ ବେଦାନ୍ତରେ ମଧ୍ୟ ଗୀତ ଓ ନୃତ୍ୟର ଉଲ୍ଲେଖ ରହିଛି । ଏହି ପୁରାତନ ନୃତ୍ୟ କଳାକୁ ଉଜ୍ଜୀବିତ କରିବା ଉଦ୍ଦେଶ୍ୟରେ ସରକାରଙ୍କ ଏଭଳି ପ୍ରୟାସ ।
ପୁରୀ ଠାରେ ଅନୁଷ୍ଠିତ ଏହି ଆନ୍ତର୍ଜାତିକ ଶାସ୍ତ୍ରୀୟ ନୃତ୍ୟ ଉତ୍ସବରେ ଭାରତର କୋଣ ଅନୁକୋଣରୁ ଆନ୍ତର୍ଜାତିକ ଖ୍ୟାତି ସମ୍ପନ୍ନ ନୃତ୍ୟ ଶିଳ୍ପୀ ମାନେ ଯୋଗଦେଇ ନିଜ ନିଜର କଳା ପ୍ରଦର୍ଶନ କରିଥିଲେ । ବିଶେଷ କରି କଥକ ,ଭାରତନାଟ୍ୟମ୍ , କୁଚିପୁଡି, ଓଡିଶୀ ନୃତ୍ୟଶିଳ୍ପୀ ମାନଙ୍କ ନୃତ୍ୟ ସମସ୍ତଙ୍କୁ ଆକର୍ଷିତ କରିଥିଲା । ଏହି ଆନ୍ତର୍ଜାତିକ ଉତ୍ସବରେ ଗୁରୁ ରିନା ରାଣୀ ସାହୁ ଭାଗ ନେଇ ଓଡ଼ିଶୀ ନୃତ୍ୟ ପରିବେଷଣ କରିଥିଲେ । ଉପସ୍ଥିତ ଅତିଥିମାନେ ରିନା ରାଣୀ ଙ୍କ ନୃତ୍ୟ ପରିବେଷଣ ଶୈଳୀକୁ ଭୂୟସୀ ପ୍ରଶଂସା କରିଵା ସହ ରିନା ରାଣୀ ସାହୁଙ୍କୁ ଉପଢ଼ୌକନ ଓ ମାନପତ୍ର ଦେଇ ” ଗୁରୁ ସମ୍ମାନ ” ରେ ସମ୍ମାନିତ କରିଥିଲେ ।
