ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୭/୧) : ମୁରିବାହାଲ ବ୍ଲକ ଗୋଇମୁଣ୍ଡଠାରେ ବ୍ଲକ ସ୍ତରୀୟ ତୈଳିକ ବୈଶ୍ୟ ସମାଜର ଏକ ବୈଠକ ଅନୁଷ୍ଠିତ ହୋଇଯାଇଛି ।
ଦଧିବାମନ ମନ୍ଦିର କମିଟି ସଭାପତି କୃତିବାସ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ସମାଜର ବ୍ଲକସ୍ତରୀୟ କମିଟିର ବହୁ ସଦସ୍ୟ ତଥା ମାନ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ଥିଲେ । ସଭା ଆରମ୍ଭ ପୂର୍ବରୁ ପୂର୍ବତନ ବ୍ଲକ ସଭାପତି ସ୍ୱର୍ଗତ ଗୟାଧର ସାହୁଙ୍କ ପରଲୋକରେ ତାଙ୍କ ଅମର ଆତ୍ମାର ସଦଗତି ନିମନ୍ତେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା । ସ୍ୱର୍ଗତ ଗୟାଧର ସାହୁଙ୍କ ବିୟୋଗରେ ସଭାପତି ପଦବୀ ଖାଲି ପଡ଼ିଥିବାରୁ ସାମାଜିକ କାର୍ଯ୍ୟକଳାପ ବାଧା ହେଉଥିବା ମନେକରି ସର୍ବସମ୍ମତି କ୍ରମେ ସଭାପତି ପଦବୀ ଓ କିଛି ପଦପଦବୀର ପୁନର୍ଗଠନ କରାଯାଇଥିଲା ।
ଏଥିରେ ନୂତନ ସଭାପତି ଭାବେ ଲୋକନାଥ ସାହୁ, ଉପସଭାପତି ଗିରିଧାରୀ ସାହୁ, ପୁରିତ ସାହୁ, ଅଡିଟର ବିଷ୍ଣୁ ପ୍ରସାଦ ସାହୁ, ରମାକାନ୍ତ ସାହୁ, ଉପଦେଷ୍ଟା କମିଟିରେ ପିଲାବାବୁ ସାହୁ, ଗୌତମ ସାହୁ, କାଳିନ୍ଦୀ ଚରଣ ସାହୁ ପ୍ରମୁଖ ମନୋନୀତ ହୋଇଥିଲେ । ସମସ୍ତଙ୍କୁ ନେଇ ସମାଜର ଉନ୍ନତି ପାଇଁ ସେ କାର୍ଯ୍ୟ କରିବେ ବୋଲି ସଭାପତି ତାଙ୍କ ବକ୍ତବ୍ୟରେ ପ୍ରକାଶ କରିଥିଲେ । ଅନ୍ୟମାନଙ୍କ ମଧ୍ୟରେ ସମାଜର ବ୍ଲକ ସମ୍ପାଦକ ବାସୁଦେବ ସାହୁ, ଲୋଚନ ସାହୁ, ନିମାଇଁ ଚରଣ ସାହୁ, ଭାଗିରଥି ସାହୁ, କୁବେର ସାହୁ, ପଦ୍ମନାଭ ସାହୁ, ଗୌତମ ସାହୁ, ସୁକଲ ସାହୁ, ପୂର୍ଣ୍ଣ ସାହୁଙ୍କ ସମେତ ସମାଜର ଶତାଧିକ ବ୍ୟକ୍ତି ଉପସ୍ଥିତ ଥିଲେ ।
