ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ବାଲେଶ୍ୱର, (୨୪/୧୨) : ବାଲେଶ୍ୱର ଜିଲ୍ଲା ସୋର ଥାନା ବାଗୁଡ଼ି ବଜାରରେ ଆତଙ୍କ ଖେଳାଇଛି ପାଗଳ କୁକୁର । ପାଗଳ କୁକୁର କାମୁଡ଼ାରେ ୬ଜଣ ଗୁରୁତର ହୋଇଛନ୍ତି । ସେମାନେ ଏବେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
କୁକୁରଟି ରାସ୍ତାଘାଟରେ ଲୋକଙ୍କୁ ଗୋଡ଼ାଇ ଗୋଡ଼ାଇ କାମୁଡ଼ୁଛି । ଆଜି ସକାଳେ ବାଗୁଡି ବଜାରକୁ ଜଣେ ଦୋକାନୀ ଦୋକାନ ଖୋଲିବାକୁ ଆସିଥିବା ବେଳେ ପ୍ରଥମେ ଏହି କୁକୁରର ଶିକାର ହୋଇଥିଲେ । ପରେ ପରେ ପାଗଳା କୁକୁରଟି ଯାହାକୁ ପାଇଲା କାମୁଡ଼ିଲା। ପାଗଳ କୁକୁର କାମୁଡ଼ାରେ ୬ ଜଣ ଗୁରୁତର ହୋଇ ସୋର ମେଡିକାଲରେ ଭର୍ତ୍ତି ହୋଇଛନ୍ତି । କୁକୁର କାମୁଡ଼ାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖାଦେଇଛି । ଲୋକେ ଘରୁ ବାହାରିବାକୁ ସୁରକ୍ଷିତ ମଣୁ ନାହାନ୍ତି। ଏଥିସହ ତୁରନ୍ତ କୁକୁରଟିକୁ କାବୁ କରିବାକୁ ଦାବି ଜଣାଇଛନ୍ତି ।
