ଗୁଣପୁର, (୨୧/୩) : ଆ.ପ୍ର. : ଆଜି ଗୁଣପୁର କୃଷି ବିଜ୍ଞାନ କେନ୍ଦ୍ର ସଭାଗୃହ ଠାରେ ପ୍ରାଣିସମ୍ପଦ ବିଭାଗ , ଓଡ଼ିଶା ସରକାରଙ୍କ ଆନୁକୁଲ୍ୟରେ ତିନି ଦିିନିଆ ଗୋ ପାଳକଙ୍କ ଦକ୍ଷତା ବୃଦ୍ଧି ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ଡ଼ଃ ଦେବରାଜ ନାୟକ ସିଡିଭିଓ ରାୟଗଡ଼ା ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିବା ସହ ସରକାରଙ୍କ ଗୋ ପାଳନ ପ୍ରତି କ’ଣ ଆଭିମୁଖ୍ୟ ରହିଛି ସେ ବିଷୟରେ ଗୋ ପାଳକ ମାନଙ୍କୁ ପ୍ରାଞ୍ଜଳ ଭାବରେ ବୁଝାଇଲେ । ସମ୍ମାନୀତ ଅତିଥି ଭାବେ ଡ଼ଃ ଆଲୋକ କୁମାର ଆଚାର୍ଯ୍ୟ ଏସ୍ ଡି ଭି ଓ ଗୁଣପୁର ଯୋଗଦେଇ ଗୃହପାଳିତ ପଶୁମାନଙ୍କର ପ୍ରଜନନ ଓ ରୋଗ ନିରାକରଣ ବିଷୟରେ ବିସ୍ମୃତ ଭାବରେ ଆଲୋଚନା କରିଥିଲେ । ଡଃ ବିପ୍ର ଚରଣ ବେହେରା ଏଡିଭିଓ ରାୟଗଡ଼ା ଯୋଗଦେଇ ଗୋ ପାଳନରେ ଖାଦ୍ୟ ପରିଚାଳନା ତଥା ଘାସ ଚାଷ ( ହାତିଆ ଘାସ , ଆଜୋଲା , ହାଇଡ୍ରୋପୋନିକ ଘାସ ଚାଷ) ବିଷୟ ଗୋ ପାଳକ ଙ୍କୁ ବୁଝାଇଥିଲେ ।
ଘାସ ଚାଷ ଦ୍ଵାରା କିପରି ଖର୍ଚ୍ଚ କମ୍ କରାଯାଇପାରିବ ଓ ନିଜେ କିପରି ଦାନା ପ୍ରସ୍ତୁତି କରିପାରିବେ ସେ ବିଷୟରେ ବୁଝାଇଥିଲେ । ଡଃ ସିଦ୍ଧାର୍ଥ ଶଙ୍କର ସାବତ ଭି ଏ ଏସ୍ ଗୁଣପୁର ଓ ଡ଼ଃ ବିଷ୍ଣୁ ଚରଣ ଶଵର ଏ ଭି ଏ ଏସ୍ ଗୋ ପାଳନ ପାଇଁ ସରକାରଙ୍କ ବିଭିନ୍ନ ଯୋଜନା ଓ ଗୁହାଳରୁ ବାହାରୁଥିବା ବର୍ଜ୍ୟବସ୍ତୁର କିପରି ସୁପରିଚାଳନା କରିପାରିବେ ସେ ବିଷୟରେ ବୁଝାଇଥିଲେ । ଡଃ କୃଷ୍ଣାନନ୍ଦ ବେହେରା ବି ଭି ଓ ରାୟଗଡ଼ା ଗୋ ପାଳକ ମାନେ ଦୁଧ ବିକ୍ରି କରିବା ସହ ସେଥିରୁ କିପରି ବିଭିନ୍ନ ପ୍ରକାରର ମୂଲ୍ୟଯୁକ୍ତ ଖାଦ୍ୟ ପ୍ରସ୍ତୁତି କରିହେବ ଓ ତାହା କିପରି ସହଜରେ ବଜାରିକରଣ କରିପାରିବେ ସେ ବିଷୟରେ କହିଥିଲେ ।
ଡଃ ରାଧେଶ୍ୟାମ ଦାସ ଵିଭିଓ ଗୁଣପୁର ଯୋଗଦେଇ ଗୋ ପାଳକ ମାନଙ୍କୁ କ୍ଷେତ୍ର ପରିଦର୍ଶନରେ ନେଇ ଗୋ ପାଳନର ବିଭିନ୍ନ କୈାଶଳ ଶିକ୍ଷା ଦେଇଥିଲେ ଏବଂ ଆଜିର ଏହି କାର୍ଯ୍ୟକ୍ରମକୁ ସୁଚାରୁରୂପେ ପରିଚାଳନା କରିଥିଲେ । ଗୋ ପାଳକ ମାନେ ଏହି ପ୍ରଶିକ୍ଷଣ ଶିବିରରେ ବହୁ ଉପାଦେୟ ତଥ୍ୟ ଶିଖି ପାରିଥିଵାରୁ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।
