ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୩୦/୧୧) : ରାୟଗଡା ଜିଲ୍ଲା ଲୋକମହୋତ୍ସବ ଚଇତି -୨୦୨୪ର ପରିବହନ, ମଞ୍ଚ ପରିଚାଳନା, ସାଂସ୍କୃତିକ ଶୋଭାଯାତ୍ରା ଓ ଖାଦ୍ୟ ପ୍ରସ୍ତୁତି କରଣ ଉପସମିତିର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l
ମଞ୍ଚ ପରିଚାଳନା ଉପସମିତିର ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଜିଲ୍ଲାପରିଷଦ ରାୟଗଡଙ୍କ ନେତୃତ୍ୱରେ ସ୍ଥାନୀୟ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ହେଇଥିଲା ବୈଠକରେ, ଜିଲ୍ଲାସୂଚନl ଓ ଲୋକସମ୍ପର୍କ ଅଧିକାରୀ ଶ୍ରୀ ବସନ୍ତ କୁମାର ପ୍ରଧାନ, ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ସୁସ୍ମିତା ବାଉରୀ ଓ ଅନ୍ୟାନ୍ୟ ସଦସ୍ୟ ମାନଙ୍କ ଉପସ୍ଥିତିରେ ଆଲୋଚନା କରାଯାଇଥିଲା l
ଏହି ବୈଠକରେ ଚଇତି -୨୦୨୪ରେ କିପରି ମଞ୍ଚ ପରିଚାଳନା କରାଯିବ, କେଉଁ ସମରେ କେତେ ସମୟ ବ୍ୟବଧାନରେ ନୃତ୍ୟ ପରିବେଷଣ କରାଯିବ, ଅତିଥି ମାନଙ୍କୁ କିପରି ସତ୍କାର କରାଯିବ, କାର୍ଯ୍ୟକ୍ରମ ସଂଯୋଜନା ପାଇଁ ସଂଯୋଜକ ମାନଙ୍କ ଉପସ୍ଥିତି ବୁଦ୍ଧି ଓ ବାକଚାତୁରୀ ସମ୍ପନ୍ନ ବ୍ୟକ୍ତିଙ୍କୁ ଚୟନ କରାଯିବ ସେ ନେଇ ଆଲୋଚନା ହୋଇଛି l
ସେହିପରି ସ୍ଥାନୀୟ ପୌରପରିଷଦ ସମ୍ମିଳନୀ କକ୍ଷରେ ସାଂସ୍କୃତିକ ଶୋଭାଯାତ୍ରା ଉପସମିତିର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ଅତିରକ୍ତ ଜିଲ୍ଲାପାଳ ଭାସ୍କର ରଇତଙ୍କ ଅଧ୍ୟକ୍ଷତlରେ ଅନୁଷ୍ଠିତ ବୈଠକରେ ଉପଜିଲ୍ଲାପାଳ ରାୟଗଡ କଲ୍ୟାଣୀ ସଂଘମିତ୍ରା ଦେବୀ,ପୌର ନିର୍ବାହୀ ଅଧିକାରୀ ରାୟାଗଡ଼ ଶ୍ରୀ ସୌମ୍ୟରଞ୍ଜନ ମିଶ୍ର, ଜିଲ୍ଲାସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀ ବସନ୍ତ କୁମାର ପ୍ରଧାନ, ସହରର ବିଭିନ୍ନ ଅନୁଷ୍ଠାନର କର୍ମକର୍ତ୍ତା ଓ ଅନ୍ୟାନ୍ୟ ସଦସ୍ୟ/ସଦସ୍ୟା ମାନେ ଯୋଗଦାନ କରି ଆଲୋଚନା କରିଥିଲେ l ଶୋଭାଯାତ୍ରାକୁ କିପରି ଶାନ୍ତିଶୃଙ୍ଖଳା ସହକାରେ ଆୟୋଜନ କରାଯିବ ସେସମ୍ପର୍କରେ ଆଲୋଚନା କରାଯଇଥିଲା l ପୂର୍ବ ବର୍ଷ ପରି ଚଳିତ ବର୍ଷ ମଧ୍ୟ ଅଧିଷ୍ଠାତ୍ରୀ ଦେବୀ ମା ମଝିଘରିଆଣି ମନ୍ଦିରରୁ ପବିତ୍ର କଳସ ଅଣାଯିବା ସହିତ, ଶ୍ରଦ୍ଧା ଶ୍ରୀକ୍ଷେତ୍ରରୁ ଆଜ୍ଞାମାଳ ଆସିବ ଓ ସ୍ଥାନୀୟ ଗୋବିନ୍ଦ ଚନ୍ଦ୍ର ଦେବ ଉଚ୍ଚ ବିଦ୍ୟାଳୟ ଠାରେ ସ୍ଥାପନ କରାଯିବ।
ସେହିପରି ଅତିରକ୍ତ ଜିଲ୍ଲାପାଳଙ୍କ ନେତୃତ୍ୱରେ ଚଇତି ଖାଦ୍ୟ ପ୍ରସ୍ତୁତିକରଣ ଉପାସମିତି ବୈଠକ ସ୍ଥାନୀୟ ଜିଲ୍ଲାପାଳଙ୍କ ସଦଭାବନା କକ୍ଷରେ ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଯୋଗାଣ ଅଧିକାରୀ ଦାଶରଥି ସୋରେନ, ସହକାରୀ ଯୋଗାଣ ଅଧିକାରୀ ସୁହାସ ଭୋଇ ପ୍ରମୁଖ ଗତବର୍ଷର ପ୍ରସିଦିଂଶ ନିଷ୍ପତ୍ତିକୁ ଉପରେ ଉପସ୍ଥାପନା କରିଥିଲେ l ଏଥିରେ ସହରର ବିଭିନ୍ନ ସଦସ୍ୟ ସଦସ୍ୟା ମାନେ ଯୋଗଦେଇ ନିଜ ନିଜର ମତାମତ ଦେଇଥିଲେ l
