ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୪/୨) : ଆଜି ଚାଷୀ ମାନଙ୍କ ପାଇଁ ଏକ ଖୁସିର ଦିନ କାରଣ, ଆଜି ଯଶଶ୍ଵୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କିଷାନ ସମ୍ମାନ ନିଧି ଅଧିନରେ ଚାଷିମାନଙ୍କୁ ୧୯ ତମ କିସ୍ତି ପ୍ରଦାନ କଲେ ।
ଏହି ଯୋଜନାରେ ପ୍ରତ୍ୟେକ ହିତାଧିକାରୀ ଚାଷୀଙ୍କୁ ପ୍ରତି ଚାରି ମାସରେ ୨୦୦୦ ଟଙ୍କାର ତିନୋଟି ସମାନ କିସ୍ତିରେ ବାର୍ଷିକ ୬୦୦୦ ଟଙ୍କା ଦିଆଯାଇଥାଏ । ଆଜି ଏହି ଯୋଜନା ଅଧିନରେ ପ୍ରାୟ ୨୨,୦୦୦ କୋଟି ଟଙ୍କା ପଠାଗଲା, ଯାହା ସିଧାସଳଖ ଚାଷୀଙ୍କ ଆକାଉଣ୍ଟକୁ ଗଲା । ଆଜି ବିହାରର ଭାଗଲପୁରରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଯୋଜନାର ୧୯ ତମ କିସ୍ତି ଜାରି କଲେ । ଏହି ପରିପ୍ରେକ୍ଷୀରେ ଆଜି ଗୁଣପୁର କୃଷି ବିଜ୍ଞାନ କେନ୍ଦ୍ର ପରିସରରେ ଏକ ବିରାଟ ସଭାର ଆୟୋଜନ କରାଯାଇଥିଲା । ପ୍ରାୟ ୨୦୦ ରୁ ଉର୍ଦ୍ଧ ଚାଷି ଭାଇ ଓ ଭଉଣୀ ମାନେ ଯୋଗଦେଇ ଭିଡିଓ କନଫରେନ୍ସ ମାଧ୍ୟମରେ କାର୍ଯ୍ୟକ୍ରମର ସିଧା ପ୍ରସାରଣ ଦେଖିଥିଲେ ।
ମୂଖ୍ୟ ଅତିଥି ଭାବେ ଜିଲ୍ଲା ଉଦ୍ୟାନ କୃଷି ଅଧିକାରୀ ଦୟାନିଧି ରାଉତ ସମ୍ମାନିତ ଅତିଥି ଭାବେ ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ ଡ଼ଃ ଆଲୋକ କୁମାର ଆଚାର୍ଯ୍ୟ, କୃଷି ବିଜ୍ଞାନ କେନ୍ଦ୍ରର ବରିଷ୍ଠ ବୈଜ୍ଞାନିକା ଓ ମୂଖ୍ୟ ସୁସ୍ମିତା ମହାନ୍ତି , ବୈଜ୍ଞାନିକ ରାଜୀବ ଟୁଡୁ , ଡ଼ଃ ନାରାମ ରାମୁ ଯୋଗଦେଇ ଚାଷିମାନଙ୍କୁ ଯୋଜନା ସମ୍ପର୍କରେ ବୁଝାଇଥିଲେ । ଏହି ଅବସରରେ ପାଞ୍ଚ ଜଣ ବୁନ୍ଦା ଜଳସେଚନ ବ୍ୟବହାର କରି ସଫଳ ଚାଷୀଙ୍କୁ ମାନପତ୍ର ସହ ଉପଢୌକନ ଦେଇ ସମ୍ମାନିତ କରାଯାଇଥିଲା । ପିଏମ୍ କିଷାନ ହୋଉଛି ବିଶ୍ଵର ସର୍ବବୃହତ ଯୋଜନା । ଏହି ଯୋଜନାରେ ଚାଷୀମାନଙ୍କୁ ବିହନ ଓ ସାର କିଣିବା ପାଇଁ ସହାୟତା ମିଳିଥାଏ । ଫଳରେ ଚାଷୀ ସହଜରେ ଚାଷକାର୍ଯ୍ୟ ଆରମ୍ଭ କରିବାକୁ ସକ୍ଷମ ହୋଇଥାଏ ।
