ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୩/୨) : ଓଡ଼ିଶା ସରକାରଙ୍କ ପ୍ରାଣିସମ୍ପଦ ବିକାଶ ବିଭାଗ ସୈାଜନ୍ୟରେ ଗୁଣପୁର କୃଷି ବିଜ୍ଞାନ କେନ୍ଦ୍ର ପରିସରରେ ଛେଳି ଚାଷି ଙ୍କ ଦକ୍ଷତା ବୃଦ୍ଧି ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଗୁଣପୁର ବ୍ଲକ ର ଭିନ୍ନ ଭିନ୍ନ ପଞ୍ଚାୟତର ୨୦ ଜଣ ଅଗ୍ରଣୀ ମହିଳା ଓ ପୁରୁଷ ଚାଷି ଛେଳି ପାଳନ ବିଷୟରେ ଚାଲିଥିବା ଦକ୍ଷତା ବୃଦ୍ଧି ପ୍ରଶିକ୍ଷଣ କାର୍ଯ୍ୟକ୍ରମ ରେ ଯୋଗ ଦେଇଥିଲେ । ଦୁଇ ଦିନ ଦକ୍ଷତା ବୃଦ୍ଧି ପ୍ରଶିକ୍ଷଣ ସହ ଗୋଟିଏ ଦିନ କ୍ଷେତ୍ର ପରିଦର୍ଶନରେ ଚାଷି ମାନଙ୍କୁ ଗୁଣପୁର ବ୍ଲକ ଅନ୍ତର୍ଗତ ଶିରିଝୋଳି ଗ୍ରାମରେ ଥିବା ଆଧୁନିକ ଛେଳି ଫାର୍ମକୁ କ୍ଷେତ୍ର ପରିଦର୍ଶନରେ ନିଆଯାଇଥିଲା । ତିନି ଦିନ ଧରି ଚାଲିଥିବା ଏହି ପ୍ରଶିକ୍ଷଣ କାର୍ଯ୍ୟକ୍ରମ ରେ ମୂଖ୍ୟ ଅତିଥି ଭାବେ ଜିଲ୍ଲା ମୂଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡ଼ଃ ଦେବରାଜ ନାୟକ ଯୋଗଦେଇ ତୁଳସୀରେ ଜଳଦାନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ।
ସମ୍ମାନୀତ ଅତିଥି ଭାବେ ଅତିରିକ୍ତ ଜିଲ୍ଳା ପ୍ରାଣୀ ଚିକିତ୍ସା ଅଧିକାରୀ ଡ଼ଃ ନରେଶ ଚନ୍ଦ୍ର ଜେନା ଯୋଗଦେଇ ନିଜ ଅଭିଭାଷଣରେ କହିଥିଲେ ଯେ, ଚାଷି ଟିଏ କେବଳ ଧାନ ଓ କପା ଚାଷ ରେ ସିମିତ ରହିଲେ ତା’ର ଆୟ ଦ୍ଵୀଗୁଣିତ ହୋଇ ପାରିବ ନାହିଁ, ଚାଷ ସାଙ୍ଗକୁ ପଶୁପକ୍ଷୀ ପାଳନ କରିବା ନିତ୍ୟାନ୍ତ ଆବଶ୍ୟକ । ଅନ୍ତିମ ଦିବସରେ କୃଷି ବିଜ୍ଞାନ କେନ୍ଦ୍ରର ମୂଖ୍ୟ ସୁସ୍ମିତା ମହାନ୍ତି ମୂଖ୍ୟ ଅତିଥି ଭାବେ ଯୋଗଦେଇ ଛେଳି ଚାଷ ସମ୍ବନ୍ଧରେ ବିସ୍ତୃତ ଭାବେ ଚାଷୀ ମାନଙ୍କୁ ବୁଝାଇଥିଲେ ।
ସମ୍ମାନୀତ ଅତିଥି ଭାବେ ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ ଆଲୋକ କୁମାର ଆଚାର୍ଯ୍ୟ, ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଗୁଣପୁର ଡଃ ରାଧେଶ୍ୟାମ ଦାଶ , ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଗୁଡ଼ାରୀ ଡ଼ଃ ଶରତ ଜେନା, ପ୍ରାଣୀ ଚିକିତ୍ସକ ଡଃ ସିଦ୍ଧାର୍ଥ ଶଙ୍କର ସାବତ ସରକାରଙ୍କ କ’ଣ ସବୁ ଯୋଜନା ରହିଛି, ଛେଳିର ରୋଗ ନିୟନ୍ତ୍ରଣ, ଵଜାରିକରଣ, ବିମା, ଛେଳି ଗୃହ ନିର୍ମାଣ ଓ ଲାଭ କ୍ଷତି ବିଷୟରେ ପ୍ରାଞ୍ଜଳ ଭାବରେ ବୁଝାଇଲେ । ଚାଷି ମାନେ ଛେଳି ଚାଷ ସମ୍ବନ୍ଧରେ ସମସ୍ତ ଜ୍ଞାନକୌଶଳ ଶିକ୍ଷା ଗ୍ରହଣ କରିଵା ସହ ଅତିଥି ମାନଙ୍କୁ ବିଭିନ୍ନ ପ୍ରଶ୍ନ ପଚାରିଥିଲେ ଓ ତାର ଉତ୍ତର ପାଇଥିଲେ । ଏହି ଦକ୍ଷତା ବୃଦ୍ଧି ପ୍ରଶିକ୍ଷଣ କାର୍ଯ୍ୟକ୍ରମକୁ, ଏଲ ଆଇ ଓ ପ୍ରାଣୀସମ୍ପଦ ବିଭାଗର କର୍ମଚାରୀ ମାନେ ପୂର୍ଣ୍ଣ ସହଯୋଗ କରିଥିଲେ ।
