ରିପୋର୍ଟ : ବିଭୂତି ଲହରିଆ
ବାଲିଗୁଡା, (୧୨/୧) : ବନାଗ୍ନୀ ରୋକିବା କୁ ଖରା ଦିନ ପୂର୍ଵରୁ ସଜାଗ ହୋଇ ସଚେତନ ର ବାର୍ତ୍ତା ଦେଉଛି ବନ ବିଭାଗ ।
ବାଲିଗୁଡ଼ା ଡି ଏଫ୍ ଓ ଙ୍କ ବିଶ୍ୱରାଜ୍ ପଣ୍ଡା ଙ୍କ ନିର୍ଦ୍ଦେଶ କ୍ରମେ କ ନୂଆଗାଁ ବନାଞ୍ଚଳଅଧିକାରୀ ରମାକାନ୍ତ କହଁର ଙ୍କ ନେତୃତ୍ବ ରେ କ ନୂଆଗାଁ ରେଞ୍ଜ ଅଫିସ୍ ପ୍ରାଙ୍ଗଣ ରେ ବନ ପାଳ ସୁଶାନ୍ତ କୁମାର ବୈଶାଖି ବନପାଳ ସନ୍ତୋଷ କୁମାର ସେନାପତି ସମସ୍ତ ବନରକ୍ଷୀଙ୍କ ମିଳିତ ଉଦ୍ୟମ ରେ ଆୟୋଜିତ ସଚେତନତା ଶିବିର ରେ ମୁଖ୍ୟ ଅତିଥି ଭାବେ ବାଲିଗୁଡ଼ା ବିଧାୟକ ଚକ୍ରମଣି କହଁର ସମ୍ମାନିତ ଅତିଥି ଭାବେ ବାଲିଗୁଡ଼ା ଡିଏଫ୍ଓ ବିଶ୍ୱରାଜ ପଣ୍ଡା ବ୍ଲକ ଅଧକ୍ଷା ସୁଲୋଚନା ଦଳବେହେରା, କନ୍ଧମାଳ ସାଂସଦ ଙ୍କ ପ୍ରତିନିଧି ପଣ୍ଡିତ ବିଶିମlଝି ମଞ୍ଚାସିନ ଥିଲେ । ବ୍ଲକ ର ସମସ୍ତ ସରପଞ୍ଚ ସମିତି ସଭ୍ୟ ଉପସ୍ଥିତ ଥିଲେ । ଜଙ୍ଗଲ ନିଆଁ ନିରାକରଣ ପୋଡୁଚାଷ ରୁ ନିବୃତ ବେ ଆଇନ ଶିକାର ଏବଂ ମହୁଲ ସଂଗ୍ରହ ସମୟ ରେ ଗଛତଳେ ନିଆଁ ନଲଗାଇ ସଠିକ ଉପାୟରେ ମହୁଲ ଫୁଲ ସଂଗ୍ରହ ଏବଂ ବନ୍ୟପ୍ରାଣୀ ଙ୍କ ସୁରକ୍ଷା ନିମନ୍ତେ ପଥପ୍ରାନ୍ତ ନାଟକ ଅନୁଷ୍ଠିତ ହୋଇଥିଲା।
ଏହି କାର୍ଯ୍ୟକ୍ରମ ରେ ମହିଳା ସ୍ୱୟଂ ସହାୟିକା ଗୋଷ୍ଠୀ ବନ ସୁରକ୍ଷା ସମିତି ର ସଦସ୍ୟ ସମେତ ପାଞ୍ଚଶହ ରୁ ଉର୍ଦ୍ଧ୍ବ ଗ୍ରାମବାସୀ ସକ୍ରିୟ ଅଂଶ ଗ୍ରହଣ କରିଥିଲେ । ଜଙ୍ଗଲ କୁ କିଭଳି ନିଆଁ ଦାଉରୁ ରକ୍ଷାକରି ଗ୍ରାମ୍ୟ ଜଙ୍ଗଲ କୁ ସୁରକ୍ଷା ଦେବା ପାଇଁ ସମୂହ ଶପଥ ପାଠ କରିଥିଲେ । କାର୍ଯ୍ୟକ୍ରମ ରେ ଫାୟାର ସ୍କାର୍ଡ ଭାଇ ମାନଙ୍କୁ ମୁଖ୍ୟ ଅତିଥି ଓ ସମ୍ମାନିତ ଅତିଥିଗଣ ସମ୍ମାନିତ କରିଥିଲେ । ଆମନ୍ତ୍ରିତ ଅତିଥିଗଣ ଓ ଡି ଏଫ୍ ଓ ବିଶ୍ୱରାଜ ପଣ୍ଡା ଜଙ୍ଗଲ ରେ ପୋଡୁ ଚାଷ ସମ୍ପୂର୍ଣ୍ଣ ବନ୍ଦ ସହିତ ଜଙ୍ଗଲ କୁ ନିଆଁ ଦାଉରୁ ରକ୍ଷା ପାଇଁ ଅପିଲ କରିଥିଲେ ।
