ମୁରିବାହାଲ, (୨୨/୦୩) : ଆ.ପ୍ର. : ଜନମୁକ୍ତି ଅନୁଷ୍ଠାନର ସମ୍ପାଦକ ଭଜରାମ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ହଳଦୀ ଗ୍ରାମ ପଞ୍ଚାୟତ ସ୍ଥିତ କଲ୍ୟାଣ ମଣ୍ଡପ ଠାରେ ଜନମୁକ୍ତି ଅନୁଷ୍ଠାନର ୨୯ତମ ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇଯାଇଛି ।
ଏହି ସଭାରେ ମୁରିବାହାଲ, ବେଲପଡ଼ା ଓ ତୁରେକଲା ବ୍ଲକର ବିଭିନ୍ନ ଗ୍ରାମରୁ ୨୦୦ ରୁ ଉର୍ଦ୍ଧ୍ବ ଜନମୁକ୍ତି ଅନୁଷ୍ଠାନର ସଦସ୍ୟ, ସଦସ୍ୟା, ସକ୍ରିୟ ଭାବରେ ଅଂଶ ଗ୍ରହଣ କରିଥିଲେ । ଉକ୍ତ କାର୍ଯ୍ୟକ୍ରମରେ ଜନମୁକ୍ତି ଅନୁଷ୍ଠାନର ବାର୍ଷିକ ପ୍ରଗତି ବିବରଣୀ ଓ ବାର୍ଷିକ ଆର୍ଥିକ ବିବରଣୀ ଉପସ୍ଥାପନ, ଅନୁଷ୍ଠାନର ୨୦୨୪ ଆର୍ଥିକ ବର୍ଷ ପାଇଁ ଅଡିଟର ନିଯୁକ୍ତି ଓ ୨୦୨୫-୨୬ ପାଇଁ ବାର୍ଷିକ ଯୋଜନା ଓ ଅଟକଳ ପ୍ରସ୍ତୁତି କରି ମଞ୍ଜୁରୀ ଦିଆଯାଇଥିଲା ।
ଏହି ବୈଠକ ଅବସରରେ ମୁଖ୍ୟ ଅତିଥି ରୂପେ ମୁରିବାହାଲ ବ୍ଲକ ଅଧକ୍ଷ ଶ୍ରୀ ହରିବନ୍ଧୁ ମେହେର, ୨୯ ନମ୍ବର ଜିଲ୍ଲା ପରିଷଦ ତଥା ବରିଷ୍ଠ ଆଇନଜୀବୀ ଶ୍ରୀଗୋପୀନାଥ ପାଣିଗ୍ରାହୀ, କଣ୍ଟାବାଞ୍ଜି ବିଧାୟକ ପ୍ରତିନିଧି ଶ୍ରୀ ଗଙ୍ଗାଧର ହେର୍ଣ୍ଣା,ଗୋଇମୁଣ୍ଡ ସରପଞ୍ଚ ସଙ୍ଘ ସଭାପତି ଶ୍ରୀ କାଳିଆ ସରାଫ, ଜର୍ଣ୍ଣାଲିଷ୍ଟ ଆସୋସିଏସନ ସଭାପତି ଦୁର୍ଗାନନ୍ଦ ମହାକୁର, ସାମ୍ବାଦିକ ସଙ୍ଘ ସଭାପତି ଡ଼. ସୁବ୍ରତ ମହାକୁର ପ୍ରମୁଖ ମଞ୍ଚାସୀନ ଥିଲେ ।
ଏହି ଅଞ୍ଚଳର ବିକାଶ ପାଇଁ ପ୍ରମୁଖ ରୂପେ ଅବଦାନ ରହିଥିବା ବିଶିଷ୍ଟ ବ୍ୟକ୍ତି ବିଶେଷ ବଲାଙ୍ଗୀର ଜିଲ୍ଲା ବିଜେପି ସଭାପତି ଶ୍ରୀ ଶ୍ରୀବତ୍ସ ବେହେରା, ପୂର୍ବତନ ଅଧ୍ୟକ୍ଷ ଶ୍ରୀ ହଂସରାଜ ଜୈନ,ବିଶିଷ୍ଟ ସମାଜସେବୀ ତଥା ସାମ୍ବାଦିକ ଡ଼. ଭଗବାନ ମହାନ୍ତି,କୋଶଲ କବି ମଧୁସୂଦନ ନାଗ ଯାଦବ ଓ ଯମୁନା ଉତ୍ପାଦକ ଗୋଷ୍ଠୀଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଅନୁଷ୍ଠାନର ଚିତ୍ର ଲେଖା ସାହୁ, କିରଣ ଜାଲ, ରଞ୍ଜିତା ହର୍ପାଲ ଓ ହିମାଂଶୁ କୁ. ପଣ୍ଡା ମଞ୍ଚ ପରିଚାଳନା କରିଥିବା ବେଳେ ଲଳିତ ରଣା ଧନ୍ୟବାଦ ଜ୍ଞାପନ କରିଥଲେ । ସାଂସ୍କୃତିକ ସଙ୍ଗୀତ ପରିବେଷଣ ଓ ବାଦ୍ୟଯନ୍ତ୍ରରେ ରେଣୁ ରଞ୍ଜନ ବାଗ ଓ ସାଥୀ କଳାକାରମାନେ ସହାୟତା କରିଥିଲେ ।
ଆୟୋଜନରେ ଜନମୁକ୍ତି ଅନୁଷ୍ଠାନର କର୍ମକର୍ତ୍ତା ,ସଦସ୍ୟ, ସଦସ୍ୟା ଓ କର୍ମୀ ଯଥା, କପିଳାସ ଭୋଇ, ଟେଭା ସଗ୍ରିଆ ,ସଂଜୀବ କୁ.ବାରିକ, ପ୍ରକାଶ କୁ. ବନ୍ଦିଛୋର, ଜୟସିଂ ବନଛୋର, ଆଶିଷ ସା, ସଞ୍ଜୀତା ହାତୀ, ସୁବର୍ଣ୍ଣି ବାଗ, ଭାଗ୍ୟଧର ଚିନ୍ଦା, ତ୍ରିଲୋଚନ ସାହୁ, ଅଶୋକ ନେଓରା, ସୁଶୀଳ କୁ. ସାହୁ, ମତୀନ୍ଦ୍ର ବାଗ, ଲଷ୍ମୀଧର ବାଗ, ଚନ୍ଦନ ମେହେର, ମହେଶ୍ୱର ରଣା, ବିଦେଶୀ ବୁଡ଼େକ, ଜାନକୀ ଭୋଇ, ହରିଶ ବଗର୍ତ୍ତୀ ,ବୈଷ୍ଣବୀ ମହାକୁର, ବିଧୁ ବାଗ, ବୈଷ୍ଣବ ମହାନନ୍ଦ, କୁମଦିନୀ ପାତ୍ର, ଲୋଚନ ବାଗ, ବୈଷ୍ଣବ ଛତର,ନବୀନ ସାହୁ ଏବଂ ସଙ୍ଗୀତା ଗଡୁଆ ପ୍ରମୁଖ ସହଯୋଗ କରିଥିଲେ ।
