ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୦୬/୦୧) : ମୁରିବାହାଲ ବ୍ଲକ କାର୍ଯ୍ୟାଳୟରେ ଜିଲ୍ଲାପାଳ ଓ ଏସପିଙ୍କ ଯୁଗ୍ମ ଜନ ଅଭିଯୋଗ ଶୁଣାଣୀ ଶିବିର ସୋମବାର ଅନୁଷ୍ଠିତ ହୋଇଯାଇଛି ।
ଏହି ଯୁଗ୍ମ ଜନ ଅଭିଯୋଗ ଶୁଣାଣୀରେ ୩୧ଟି ଅଭିଯୋଗ ଦାଖଲ ହୋଇଥିଲା।ଏଥିରେ ୨୩ଟି ବ୍ୟକ୍ତିଗତ ଓ ୮ଟି ସାମୁହିକ ଅଭିଯୋଗ ଦାଖଲ ହୋଇଥିଲା।ଜିଲ୍ଲାସ୍ତରୀୟ ଅଭିଯୋଗ ଶୁଣାଣୀ ଶିବିର ପାଇଁ ବ୍ଲକ ପ୍ରଶାସନ ପକ୍ଷରୁ କେବଳ ବ୍ଲକର କିଛି କର୍ମଚାରୀ ଓ ଲୋକ ପ୍ରତିନିଧିଙ୍କୁ ଡାକି କିଛି ଦିନ ପୂର୍ବରୁ ପ୍ରସ୍ତୁତି ବୈଠକ ହୋଇଥିଲା । ପ୍ରଚାର ପ୍ରସାର ଅଭାବ ରୁ ସାଧାରଣ ଲୋକ ଜାଣିପାରୁନଥିବାରୁ ଯୁଗ୍ମ ଅଭିଯୋଗ ଶିବିର ରେ ବହୁତ କମ ସଂଖ୍ୟା ଅଭିଯୋଗ ଆସିଥିଲା । ପୂର୍ବ ଯୁଗ୍ମ ଜନ ଶୁଣାଣି ଶିବିରରେ କରିଥିବା ଅଭିଯୋଗ ଗୁଡିକ ସମାଧାନ ହେଇନଥିବା ଅଭିଯୋଗ ହୋଇଥିଲା ।
ଏହି ଶିବିରରେ ବଲାଙ୍ଗୀର ଜିଲ୍ଲାପାଳ ଗୌରବ ଶିବାଜୀ ଈଶାଳୱାର, ଆରକ୍ଷୀ ଅଧିକ୍ଷକ ୠଷିକେଶ ଖିଲାରୀ ଦ୍ୟାନଦେଓ,ଏପିଡି ତରଣି ସୁନା,ଉପଜିଲ୍ଲାପାଳ ରେହାନ କ୍ଷେତ୍ରୀ, ବିଡ଼ିଓ ବାସନ୍ତୀ ସେଠୀ, ତହସିଲଦାର ଜଗଦୀଶ କର୍ତ୍ତାମୀ, ଆକାଉଣ୍ଟ ଅଫିସର ଘେନୁରାମ ତାଣ୍ଡି, ସିଡ଼ିପିଓ ପୂର୍ଣ୍ଣିମା ବୈଠାରୁ,ଆଇଆଇସି ସିପୋରା ସରାୟ ଲୁଗୁନ, ଏଇଇ ଅବିନାଶ ମୁଦିଙ୍କ ସମେତ ସମସ୍ତ ଜିଲ୍ଲାସ୍ତରୀୟ ଓ ବ୍ଲକସ୍ତରୀୟ ଅଧିକାରୀ ଉପସ୍ଥିତ ଥିଲେ । ଏ ସମ୍ପର୍କରେ ବିଡ଼ିଓ ବାସନ୍ତୀ ସେଠୀଙ୍କୁ ପଚାରିବାରୁ ପଞ୍ଚାୟତସ୍ତରୀୟ ଶିବିରରେ ଲୋକେ ଆବାସ ଗୃହ, ରାସନ କାର୍ଡ ଓ ଭତ୍ତା ଭଳି ଅଭିଯୋଗ କରି ସାରିଥିବାରୁ ପଞ୍ଚାୟତ ସ୍ତରରେ ଜଣଶୁଣାଣି କରାଯାଉଥିବାରୁ ସଂଖ୍ୟା କମ ରହୁଥିବା ପ୍ରକାଶ କରିଥିଲେ ।
