ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୦/୦୮) : ଆଜି ସ୍ଥାନୀୟ ଟାଉନ ହଲ ଠାରେ ଜିଲ୍ଲା ପ୍ରଶାସନ ଓ ରେଡ଼କ୍ରସ ସୋସାଇଟି ମିଳିତ ଆନୁକୂଲ୍ୟ ରେ ଏକ ମ୍ୟାଜିକ ସୋ ୧୯-୦୮-୨୦୨୪ ତାରିଖ ସଂଧ୍ୟା ୦୭-୦୦ ଘଟିକା ସମୟରେ ଆରମ୍ଭ ହୋଇଛି ।
ଉଦଘାଟନୀ ଉତ୍ସବରେ ଉପ ଜିଲ୍ଲାପାଳଙ୍କ କାର୍ଯ୍ୟାଳୟର ଡେପୁଟି କଲେକ୍ଟର ମଧୁସୂଦନ ମାଝୀ ମୁଖ୍ୟ ଅତିଥି, ଗୁଣପୁର ଆଦର୍ଶ ଥାନା ଅଧିକାରୀ ଉତ୍ତମ କୁମାର ସାହୁ ସମ୍ମାନିତ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ ପୂର୍ବକ ପ୍ରଦର୍ଶନର ଆରମ୍ଭ କରିଥିଲେ । ବାସୁ ଯାଦୁଗର ଏବଂ ତାଙ୍କ ଦଳ ଆସନ୍ତା ୩୧ଅଗଷ୍ଟ ପର୍ଯ୍ୟନ୍ତ ଟାଉନ ହଲ ଠାରେ ମ୍ୟାଜିକ ସୋ ପ୍ରଦର୍ଶନ କରିବେ । ସେହିପରି ବିଭିନ୍ନ ବିଦ୍ୟାଳୟ, ମହାବିଦ୍ୟାଳୟ ମାନଙ୍କରେ ମଧ୍ୟ ଯାଦୁ ଖେଳ ପ୍ରଦର୍ଶିତ ହେବ । ରେଡ଼କ୍ରସ ର ଆର୍ଥିକ ଅଭିବୃଦ୍ଧି ଓ ମନୋରଞ୍ଜନର ଖୋରାକ ଦେବା ଏହି ପ୍ରଦର୍ଶନୀର ମୂଳ ଲକ୍ଷ ବୋଲି ଅତିଥିମାନେ ମତବ୍ୟକ୍ତ କରିଥିଲେ । ମ୍ୟାଜିକ ମାଧ୍ୟମରେ କୁସଂସ୍କାର ଦୂର, ଗୁଣି ଗାରେଡି ପ୍ରତି ଦୁରେଇ ରହିବା ଆଦି ଉପରେ ଯାଦୁଗର ଓ ତାଙ୍କ ଦଳ ଆଲୋକପାତ କରିଥିଲେ ।
