ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ,ତା.(୨୯/୧୦) : ଆଜି ବୌଦ୍ଧ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲା ସ୍ତରୀୟ ପ୍ରାକୃତିକ ବିପର୍ଯ୍ୟୟ ପ୍ରସ୍ତୁତି ଦିବସ ଓ ଜାତୀୟ ବିପର୍ଯ୍ୟୟ ପ୍ରଶମନ ଦିବସ ୨୦୨୧ ପାଳନ କରାଯାଇଥିଲା l
ମୁଖ୍ୟତଃ ୧୯୯୯ ମସିହା ଅକ୍ଟୋବର ମାସ ୨୯ ତାରିଖରେ ଘଟିଯାଇଥିବା ପ୍ରଳୟଙ୍କାରୀ ମହାବାତ୍ୟା କୁ ମନେ ପକାଇ ସେଥିପାଇଁ ଆମେ ମାନେ ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ପଞ୍ଚାୟତରାଜ ପ୍ରତିନିଧି ଓ ମହିଳା ସ୍ଵୟଂ ସହାୟକ ଦଳ ମାନେ କିପରି ନିଜକୁ ପ୍ରସ୍ତୁତ କରି ରଖିପାରିବେ ତାହା ଉପରେ ଜିଲ୍ଲା ସ୍ତରୀୟ ପ୍ରାକୃତିକ ବିପର୍ଯ୍ୟୟ ପ୍ରଶମନ ପ୍ରସ୍ତୁତି ବୈଠକରେ ଆଲୋଚନା ହୋଇଥିଲା l
ବୌଦ୍ଧ ଜିଲ୍ଲାପାଳ ଶ୍ରୀଯୁକ୍ତ ଲଲାଟେନ୍ଦୁ ମିଶ୍ର ଙ୍କ ରେ ଅନୁଷ୍ଠିତ ଅଧ୍ୟକ୍ଷତା ଏହି ପ୍ରସ୍ତୁତି ଦିବସ ରେ ଜିଲ୍ଲା ଆରକ୍ଷୀ ଅଧିକ୍ଷକ ତଥା ଦୁର୍ଗପତି ପଞ୍ଚମ ବାଟାଲିୟନ ବୌଦ୍ଧ, ଅତିରିକ୍ତ ଜିଲ୍ଲାପାଳ ବୌଦ୍ଧ, ପ୍ରକଳ୍ପ ନିର୍ଦ୍ଦେଶକ ବୌଦ୍ଧ ଓ ଅନ୍ୟାନ୍ୟ ସମସ୍ତ ଅଧିକାରୀ ମାନେ ଯୋଗ ଦେଇ ପ୍ରାକୃତିକ ବିପର୍ଯ୍ୟୟ ସମୟରେ କାର୍ଯ୍ୟରତ କର୍ମଚାରୀ, ବ୍ୟକ୍ତି ବିଶେଷ, ଅନୁଷ୍ଠାନ ସମସ୍ତଙ୍କର ସହଯୋଗୀତାରେ ପ୍ରାକୃତିକ ବିପର୍ଯ୍ୟୟ ର ଦୃଢ ମୁକାବିଲା କରିପାରିବା ବୋଲି ମତବ୍ୟକ୍ତ କରିଥିଲେ l
ତତ ସହିତ ପରିବେଶ ର ସୁରକ୍ଷା ଓ ବିପର୍ଯ୍ୟୟ ପ୍ରସ୍ତୁତି ନିମନ୍ତେ ସଚେତନତା ସୃଷ୍ଟି କରିବାରଆବଶ୍ୟକତା ରହିଛି ବୋଲି ମତବ୍ୟକ୍ତ କରିଥିଲେ l ମହିଳା ସ୍ୱଂୟଂ ସହାୟକ ଗୋଷ୍ଟୀ ଓ ପଞ୍ଚାୟତରାଜ ଅନୁଷ୍ଠାନ ବା ପ୍ରତିନିଧି ସଫଳ ବିପର୍ଯ୍ୟୟ ପରିଚାଳନାର ମେରୁଦଣ୍ଡ ଏହି ବର୍ଷର ଆଲୋଚନାର ବିଷୟ ବସ୍ତୁ ଥିଲା l ଧନ,ଜୀବନ କ୍ଷୟକ୍ଷତି କୁ ହ୍ରାସ କରିବା ପାଇଁ ସମସ୍ତେ ନିଜ ସାମର୍ଥ୍ୟ ଅନୁସାରେ କାର୍ଯ୍ୟ କରିବା ପାଇଁ ଶପଥ ପାଠ କରିଥିଲେ l
ସର୍ବଶେଷରେ ସମସ୍ତ ଜିଲ୍ଲା ସ୍ତରୀୟ ଅଧିକାରୀ ମାନଙ୍କୁ ଶପଥ ପାଠ କରାଯାଇଥିଲା l ଏହି ସମସ୍ତ କାର୍ଯ୍ୟକ୍ରମକୁ ବୌଦ୍ଧ ଜିଲ୍ଲା ଜରୁରୀ କାଳୀନ ଅଧିକାରୀ ସଂଯୋଜନା କରିଥିଲେ l
