ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର , (୧୧/୦୩) :ମହିଳାଙ୍କୁ ସଶକ୍ତ ତଥା ରାଜ୍ୟ ଓ ଦେଶର ଅର୍ଥନୈତିକ ବିକାଶରେ ସହଯୋଗୀ ହେବାକୁ ଆଜି ସୁବର୍ଣ୍ଣପୁର ଜିଲ୍ଲା ପ୍ରଶାସନ ତରଫରୁ ଏକ ଦିବସିୟ ଲକ୍ଷ ପତି ଦିଦି କର୍ମଶାଳା ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଜିଲ୍ଲାପରିଷଦ ଅଶ୍ୱିନୀ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।
ସୋନପୁର ଟାଉନ ହଲ ଠାରେ ଅନୁଷ୍ଠିତ ଏହି କର୍ମଶାଳାରେ ଡି ଏଫ ଓ, ଡି ଏସ ଡବ୍ଲୁ ଓ , କେ ଭି କେ କୃଷି ବୈଜ୍ଞାନିକ, ସି ଡି ଭି ଓ , ଏଲ ଡି ଏମ , ଆର ଏସ ଇ ଟି ଆଇ ନିର୍ଦେଶକ , ସିଡ଼ିଏ ଓ , ପ୍ରମୁଖ ଉପସ୍ଥିତ ଥିଲେ। କର୍ମଶାଳା ଅବସରରେ ଜିଲ୍ଲାର ବିଭିନ୍ନ ବିଭାଗୀୟ ଅଧିକାରୀ ନିଜ ନିଜ ବିଭାଗୀୟ ଜନକଲ୍ୟାଣ ଯୋଜନା ସମ୍ପର୍କରେ ଉପସ୍ଥାପନ କରିଥିଲେ । ଏହି ଅବସରରେ ସିଏସ ଏସ ଏବଂ ମହିଳା ସ୍ୱୟଂ ସହାୟକ ଗୋଷ୍ଠୀ ସଭ୍ୟା ମାନେ ସେମାନଙ୍କ ସଫଳ କାହାଣୀ ବ୍ୟକ୍ତ କରି ସମସ୍ତଙ୍କୁ ଉତ୍ସାହିତ କରିଥିଲେ ।
ପରେ ପରେ ଲଖପତି ଦିଦି ମାନଙ୍କ ଦ୍ୱାରା ଗୀତ, ସଙ୍ଗୀତ, ନାଚ, କବିତା ଆବୃତ୍ତି, କ୍ଷୁଦ୍ର ନାଟକ ଆଦି ପରିବେଷଣ କରାଯାଇଥିଲା। ଏହି କର୍ମଶାଳାରେ ଏଫ ଏଲ ସି, ଡି ପି ସି ମିଶନ ଶକ୍ତି, ଓ ଏଲ ଏମ, ମିଶନ ଶକ୍ତି ଅଧିକାରୀ ସମେତ ଜିଲ୍ଲାର ସମସ୍ତ ସି ଆର ପି , ଏମ ବି କେ, ବ୍ୟାଙ୍କ ମିତ୍ର, କୃଷି ମିତ୍ର, ପ୍ରାଣୀ ମିତ୍ର, କମ୍ୟୁନିଟି ସପୋର୍ଟ ଷ୍ଟାଫ୍ ଏବଂ ଲକ୍ଷ ପତି ଦିଦି ପ୍ରମୁଖ ଯୋଗଦାନ କରିଥିଲେ । ବିଭିନ୍ନ କ୍ଷେତ୍ର ରେ କୃତିତ୍ୱ ଅର୍ଜନ କରିଥିବା SHG ସଭ୍ୟା ମାନଙ୍କୁ ପୁରସ୍କୃତ କରି ପ୍ରେରଣା ଯୋଗାଇ ଦିଆ ଯାଇଥିଲା ।
